19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Այս պայմաններում դեմարկացիան կապիտուլյացիայի շարունակությունն է և հակառակորդի պահանջների բավարարումը․ Արման Մելիքյան․ ՏԵՍԱՆՅՈՒԹ
Քաղաքականություն
19.11.2021 | 20:02
Factor TV-ի հարցազրույցը արտակարգ և լիազոր դեսպան, Արցախի նախկին ԱԳ նախարար Արման Մելիքյանի հետ
-Պարո՛ն Մելիքյան, Երևանը հյուրընկալել էր Եվրասիական միջկառավարական խորհրդի նիստի մասնակիցներին։ ԵՏՄ անդամ պետությունների կառավարություններi ղեկավարները Հայաստանում են՝ նոյեմբերի 16-ի սահմանային խիստ լարվածությունից ընդամենը երկու օր անց։ Սակայն ո՛չ ՌԴ վարչապետ Միշուստինը, ո՛չ ԵՏՄ-ում մեր մյուս գործընկերները ելույթներում, առնվազն՝ հրապարակային, չանդրադարձան ադրբեջանական սադրանքին, Հայաստանի տարածքային ամբողջականությանը սպառնացող վտանգներին։ Ինչպե՞ս մեկնաբանել սա։
-Չեն ցանկանում անդրադառնալ, որովհետև դա իրենց ընթացիկ շահերին համահունչ չէ։ Նրանք չեն ուզում այս հարցում Հայաստանին սատար լինել և չեն լինում։ Եթե հիշենք՝ անցյալ տարի էլ, 44-օրյա պատերազմի օրերին, նման մի հավաք տեղի ունեցավ Երևանում։ Պատերազմն ընթանում էր ճակատներում, այստեղ այդ հավաքն էր ընթանում, մարդիկ եկան, աշխատեցին, գնացին, պատերազմը շարունակվեց և ավարտվեց գործող կառավարության կողմից ստորագրված կապիտուլյացիայի ակտով՝ ի դեմս եռակողմ հայտարարության, որն ընդունվեց նոյեմբերի 9-ին։
-Նիկոլ Փաշինյանը հայտնեց, որ Ռուսաստանը դեմարկացիայի վերաբերյալ երեք առաջարկ է արել, երեքն էլ ընդունելի են մեզ համար։ Ձեր կարծիքով՝ ինչ առաջարկների մասին է խոսքը։
-Մինչև հստակ չասվի՝ ինչի մասին է խոսքը, անիմաստ է մեկնաբանելը։ Տղերքը գաղտնի նախնական բանակցություններ են վարում։ Երբ կգան ընդհանուր հայտարարի՝ կապ չունի, թե ինչ կետում և որքանով է դա Հայաստանի համար լինելու ընդունելի, գուցե դրա մասին մասնակիորեն ասեն։ Գուցե գան ինչ-որ ընդհանուր հայտարարի, որի մասին չասվի, բայց համաձայնություններն ի կատար ածելու համար ծավալվեն տեղային ռազմական գործողություններ՝ այս կամ այն սահմանային հատվածներում։ Այն, ինչ տեսնում ենք այսօր Սիսիանի և Ջերմուկի տեղամասերում, երևի թե կարող ենք համարել մի այդպիսի դրսևորում։ Կարող ենք դա ենթադրել, դրա իրավունքը ունենք, քանի որ այդ ամենի մասին որևէ հստակ տեղեկություն հրապարակավ չենք ստանում իշխանությունների կողմից։
Հարցազրույցն ամբողջությամբ՝ տեսանյութում։
Թամարա Հակոբյան
