18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Պետք է խոսեն ԳՇ ներկայացուցիչները, ասեն՝ իրականում ինչ է տեղի ունենում. Գեղամ Նազարյան․ ՏԵՍԱՆՅՈւԹ
Քաղաքականություն
19.11.2021 | 18:41
«Այդ պնդումները համարում եմ հանցագործ պնդումներ, որոնք արվում են ժողովրդի ուշադրությունը բուն խնդիրներից շեղելու նպատակով: Նման պնդումներ անում են ձախողված և անզոր իշխանությունները»,- այս մասին Factor.am-ի հետ զրույցում նշեց «Հայաստան» խմբակցության պատգամավոր Գեղամ Նազարյանը՝ անդրադառնալով իշխանությունների կողմից նախկին իշխանություններին ուղղված քննադատություններին:
«Բավական է անցյալի մտացածին սխալներով բացատրել այսօրվա անհաջողությունները: Եթե բանակը խնդիրներ ուներ, այսպես ցայտուն ու ողբերգական կարտահայտվեին մինչև 2018թ.: Այս վարչախումբը չի հասկանում, որ պատերազմը նախևառաջ ոչ թե բանակի խնդիրներով է պայմանավորված, այլ քաղաքականություն է և քաղաքական ղեկավարության վրա է ընկնում ամբողջ պատասխանատվությունը: Քաղաքական իշխանությունն իր ձախողումը ուզում է գցել բանակի վրա: Փոխանակ ներողություն խնդրեն ու հեռանան, կասկածելի համառությամբ կառչել են աթոռերից:
Առաջին հերթին պետք է խոսեն այսօր գործող ԳՇ ներկայացուցիչները, բարձրաձայնեն, թե ինչ է տեղի ունենում. Ժամանակն է, որ մեր զինվորականները բարձրաձայնեն առկա խնդիրների մասին»,- նշեց Նազարյանը:
Մանրամասները՝ տեսանյութում:
