18.12.2025 | 18:18
Գարեգին Բ-ի դեմ ընդվզած եպիոսկոպոսները ժամանեցին Մայր Աթոռ․ նրանց ելույթն ուղեկցվեց սուլոցներով․ ՏԵՍԱՆՅՈՒԹ
Ավստրիան եվրոպական առաջին երկիրն է, որը 2022թ․ փետրվարի 1-ից պատվաստումները պարտադիր է դարձնում
Քաղաքականություն
19.11.2021 | 17:26
Ավստրիայի կանցլեր Ալեքսանդր Շալենբերգը հայտարարել է, որ COVID-19-ի դեմ պատվաստումը երկրում պարտադիր կդառնա 2022 թվականի փետրվարից, գրում է Politico-ն։
Սա առաջին եվրոպական երկիրն է և աշխարհում առաջիններից մեկը, որը պարտադիր է դարձնում կորոնավիրուսի դեմ պատվաստումը։
«Մեզ չի հաջողվել այնքան չպատվաստված մարդկանց պատվաստել, որքան բավարար կլիներ։ Ամենավերջին միջոցառումներն ավելացրել են ամենօրյա պատվաստումները, բայց դրանք բավարար չեն։ Երկար ժամանակ երկրում կոնսենսուս էր․ պարտադիր պատվաստումն անհրաժեշտ չէր, բայց մենք պետք է առերեսվենք իրականությանը»,- հայտարարել է Շալենբերգը:
Նա նաև հավելել է, որ Ավստրիայում երկուշաբթիից համազգային լոքդաուն կհայտարարվի՝ առավելագույնը 20 օրով։ Չնայած չպատվաստվածների համար արդեն իսկ առկա սահմանափակումներին՝ համազգային լոքդաունը կորոնավիրուսային վարակը զսպելու հաջորդ փորձն է, քանի որ հիվանդանոցները պայքարում են այն հաղթահարելու համար:
Տեղեկացվում է, որ համազգային լոքդաուն հայտարարելու որոշումը կայացվել է, քանի որ Ավստրիայում գնալով աճում է կորոնավիրուսի տարածման տեմպերը․ հինգշաբթի այստեղ գրանցվել է վարակի ավելի քան 15,000 նոր դեպք, մինչդեռ այս շաբաթվա սկզբին նոր դեպքերի թիվը եղել է 11,000: Սրա հետ մեկտեղ, Ավստրիայում պատվաստումների մակարդակը շատ ցածր է ԵՄ մյուս պետությունների համեմատ՝ մոտ 63 տոկոս:
Տաթև Ֆռանգյան
