19.05.2026 | 18:15
Սամվել Կարապետյանը՝ ФСБ-ի հետ կապի մասին // Օվերչուկը հայտարարել է՝ կքննարկեն ԵՏՄ-ում ՀՀ-ի կարգավիճակը․ ԼՈՒՐԵՐ
ԱՄՆ պետքարտուղարի տեղակալն ու Ադրբեջանի ԱԳ նախարարը քննարկել հայ-ադրբեջանական սահմանային իրավիճակը
Քաղաքականություն
19.11.2021 | 15:25
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել ԱՄՆ պետքարտուղարի Եվրոպայի ու Եվրասիայի հարցերով տեղակալ Քարեն Դոնֆրիդի հետ։ Ադրբեջանի ԱԳՆ-ին վկայակոչելով՝ գրում են տեղական լրատվամիջոցները։
«Զրույցի ընթացքում Դոնֆրիդը մտահոգություն է հայտնել հայ-ադրբեջանական սահմանի լարվածության կապակցությամբ և կոչ արել երկու կողմերին՝ դադարեցնել էսկալացիան և տարաձայնությունները կարգավորել խաղաղ ճանապարհով»,-ասվում է հաղորդագրության մեջ։
Նշվում է նաև, որ Բայրամովն ամերիկյան կողմին տեղեկացրել է, իբր, «հայկական կողմի վերջին օրերի սադրանքների մասին»։ Բացի այդ, Ադրբեջանի ԱԳ նախարարն ասել է, որ Բաքուն պատրաստ է Երևանի հետ սկսել դելիմիտացիայի գործընթաց՝ միջազգային իրավունքի սկզբունքների հիմքի վրա։
Զրույցի ընթացքում կողմերը կարծիքներ են փոխանակել եռակողմ հայտարարությունների իրագործման ու տարածաշրջանային անվտանգության այլ հարցերի շուրջ։
Հավելենք, որ ավելի վաղ Դոնֆրիդը հեռախոսազրույց էր ունեցել ՀՀ ԱԳ նախարար Արարատ Միրզոյանի հետ։
Էմմա Չոբանյան
