16.12.2025 | 18:40
«Կատարյալ անհեթեթություն». նախարարը՝ ատեստավորման թեստերի վաճառքի լուրերի մասին
Բաքվում ՌԴ դեսպանը հայտարարել է, որ բարձր են գնահատում «3+3» ձևաչափի ստեղծման՝ Ադրբեջանի և Թուրքիայի առաջարկը
Քաղաքականություն
19.11.2021 | 13:35
Ադրբեջանում ՌԴ դեսպան Միխայիլ Բոչարնիկովը ռուս-ադրբեջանական փորձագիտական խորհրդի առաջին նիստին մի շարք հայտարարություններ է արել, այդ թվում՝ «3+3» ձևաչափի մասին, գրում են ադրբեջանական լրատվամիջոցները։
Նշենք, որ «Ադրբեջանա-ռուսական ռազմավարական հարաբերությունները՝ որպես Հարավային Կովկասում տարածաշրջանային համագործակցության զարգացման և հեռանկարների կարևոր գործոն» թեմայով նիստը կազմակերպվել է Բաքվում Միջազգային հարաբերությունների վերլուծական կենտրոնի ու Միջազգային հարաբերությունների ռուսական խորհրդի կողմից։
«Հավատում եմ, որ ռուս-ադրբեջանական փորձագիտական խորհրդի նիստն ու նրա արդյունքներն իրենց ներդրումը կունենան մեր երկրների միջև կապերի հետագա զարգացմանը»,- ասել է ՌԴ դեսպանը։
Նա նշել է, որ երեկ կայացել է Ռուսաստանի ԱԳՆ Կոլեգիայի նիստը, որի ժամանակ ելույթ է ունեցել ՌԴ նախագահ Վլադիմիր Պուտինը։
«Վլադիմիր Պուտինն իր ելույթում նշեց ռուս խաղաղապահների հատուկ դերակատարումը տարածաշրջանում խաղաղության ապահովման գործում, խոսեց հաղորդակցությունների բացման կարևորության մասին։ Ռուսաստանը հանդես է գալիս հակամարտության երկարատև կարգավորման օգտին։ Ռուսաստանը հանդես է եկել Ադրբեջանի ու Հայաստանի միջև սահմանների դելիմիտացիա ու դեմարկացիա անելու առաջարկով»,- ասել է Բոչարնիկովը։
Նա նաև ընդգծել է, որ բարձր է գնահատում տարածաշրջանում «3+3» ձևաչափ ստեղծելու՝ Ադրբեջանի ու Թուրքիայի առաջարկը, և որ այն շատ կարևոր նախաձեռնություն է։
«Դրա համար կարևոր է, որ փորձագետները քննարկեն այդ բոլոր ուղղությունները։ Մենք բարձր ենք գնահատում նաև նոր ձևաչափը»,- ասել է ՌԴ դեսպանը։
Էմմա Չոբանյան
