17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Ճտքակոշիկ լիզողնե՛ր, Պուտինի արևով եք երդվում, դա ստոկհոլմյան սինդրոմ է․ նա էրդողանի հետ է տանգո պարում, ուր տղամարդն ինքը չէ․ Կարեն Սարգսյան. ՏԵՍԱՆՅՈՒԹ
Քաղաքականություն
18.11.2021 | 20:32
Factor TV-ն զրուցել է սոցիոլոգ Կարեն Սարգսյանի հետ
-Պարո՛ն Սարգսյան, վերջին օրերին հայ-ադբեջանական սահմանին լարվածության, փոխհրաձգությունների ժամանակ ՌԴ-ն և ՀԱՊԿ-ն չկատարեցին իրենց դաշնակցային պարտավորությունները ՀՀ-ի նկատմամբ՝ ո՛չ ռուսական ռազմաբազան, ո՛չ հայ-ռուսական համատեղ զորախումբը չլծվեցին մեր տարածքների պաշտպանությանը, ինչպես դաշնակցային պարտավորություններն էին ենթադրում։ Հայ հանրույթի զայրույթն արդարացվա՞ծ էր, ինչո՞վ եք դա պայմանավորում։
-Այդ զայրույթը պայմանավորված է նրանով, որ քո սպասելիքները չեն համընկնում իրականության հետ։ Ընդ որում՝ դու քո սպասելիքները ձևավորում ես քո ներքին էմոցիոնալ ապրումներով, սիրով և ատելությամբ, բայց դա իռացիոնալ հիմքերի վրա է։ Որտեղի՞ց է եկել, որ Ռուսաստանը կգա կփրկի մեզ։ Հայտնի է, որ ՌԴ-ն երբեք ոչ մեկին չի փրկել։ Մեզանում շատ ակտիվ սրսկվել է՝ սկսած Խաչատուր Աբովյանից, որ ռուսները լավն են։
-Խաչատուր Աբովյանը «Վերք Հայաստանի» աշխատանքում օրհնում էր էն սհաթը, որ «ռուսի ոտքը մտավ Հայաստան»։
-Ես դրանց ասում եմ ճտքակոշիկ լիզողներ, որ պետք է դիմել ՌԴ-ին այս սրացումների ժամանակ։ Պետք է հասկանալ, որ ՌԴ-ն չունի դաշնակից։ ՌԴ-ն ունի գործընկերներ, և նրա հիմնական գործընկերը Էրդողանն է։ Ընդ որում՝ էդ տանգոյում տղամարդը Էրդողանն է, իրենք կանացի դերում են։ Ու սրան կա շատ լուրջ բացատրություն՝ ՌԴ-ին շատ է անհրաժեշտ սևծովյան տարածքը։ Ընդհանուր՝ ուկրաինացի փորձագետների մոտ էլ կա այդ կոնսենսուսը, որ ՌԴ-ն և Թուրքիան փորձում են Արևմուտքը նետել դուրս, իրենք փորձում են վերցնել հնարավոր բոլոր կապերը, որոշում կայացնելու կենտրոնը վերցնել իրենց։ Այն երկրներում, որ սկսում են իրենցով անել, դա սկսում են հասկանալ։
Հարցազրույցն ամբողջությամբ՝ տեսանյութում։
Ռոբերտ Անանյան
