18.12.2025 | 20:18
Նոր կաթողիկոսական ընտրություններ պետք է կազմակերպենք. կարգալույծ հռչակված Տեր Արամ. ՏԵՍԱՆՅՈՒԹ
ԵԱՀԿ գործող նախագահը կայցելի Մոսկվա․ քննարկվելու են տարածաշրջանային անվտանգությանը վերաբերող հարցեր
Քաղաքականություն
18.11.2021 | 16:00
ԵԱՀԿ գործող նախագահ, Շվեդիայի ԱԳ նախարար Անն Լինդեն նոյեմբերի 18-19-ը կայցելի Մոսկվա՝ հանդիպելու ՌԴ արտաքին գործերի նախարար Սերգեյ Լավրովի և բարձրաստիճան այլ պաշտոնյաների հետ։ Այս մասին ասված է ԵԱՀԿ պաշտոնական կայքում հրապարակված հաղորդագրությունում։
ՌԴ ԱԳ նախարար Լավրովի հետ հանդիպումը նախանշված է նոյեմբերի 19-ին։ Հանդիպմանը կքննարկվի ԵԱՀԿ-ի և Ռուսաստանի Դաշնության միջև համագործակցության ամրապնդումը՝ ներառյալ ԵԱՀԿ տարածաշրջանում անվտանգության մարտահրավերները:
Անն Լինդեն կհանդիպի նաև ռուսաստանցի այլ պաշտոնյաների հետ՝ քննարկելու ԵԱՀԿ տարածաշրջանում անվտանգության և կայունության հետ կապված տարածաշրջանային և թեմատիկ հարցերի լայն շրջանակ: Նա կհանդիպի նաև քաղաքացիական հասարակության ներկայացուցիչների հետ։
Տաթև Ֆռանգյան
