19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
ՌԴ ԱԳՆ-ն կոչ է անում սկսել հայ-ադրբեջանական սահմանի դելիմիտացիայի գործընթացը
Քաղաքականություն
17.11.2021 | 18:31
Ռուսաստանը կարևոր է համարում Հայաստանի ու Ադրբեջանի կողմից սահմանների դելիմիտացիայի գործընթացի արագ սկսումը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ընթացքում։
«Վերջին իրադարձությունները հաստատում են հայ-ադրբեջանական սահմանի դելիմիտացիայի և դրան հետևող դեմարկացիայի արագ մեկնարկի կարևորությունը, ինչպես նաև համապատասխան հանձնաժողովի աշխատանքի մեկնարկը՝ ռուսական առաջարկների հիման վրա»,- ասել է Զախարովան։
Նա նշել է, որ ՀԱՊԿ-ն ուշադրությամբ հետևում է հայ-ադրբեջանական սահմանային իրավիճակին։
«Ռուսաստանը լուրջ է վերաբերվում իր երկկողմ, ինչպես նաև բազմակողմ պարտավորություններին։ Երկկողմ գծով անցկացվում են համապատախան խորհրդակցություններ։ Ինչ վերաբերվում է ՀԱՊԿ-ին, մեր տվյալներով՝ այնտեղ ուշադրությամբ հետևում են հայ-ադրբեջանական սահմանի իրավիճակին»,- ասել է ՌԴ ԱԳՆ պաշտոնական ներկայացուցիչը՝ հավելելով․ «Ռուսաստանն Ադրբեջանի ու Հայաստանի հետ շփման մեջ է՝ իրավիճակը խաղաղ հուն տանելու համար»։
Էմմա Չոբանյան
