16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Պեսկովը հայտարարել է, որ Պուտինի, Փաշինյանի և Ալիևի հանդիպման համար անհրաժեշտ է բոլոր կողմերի համաձայնությունը
Քաղաքականություն
17.11.2021 | 14:29
Մոսկվան հայ-ադրբեջանական սահմանին հակամարտության կողմերին զսպվածության կոչ է անում և հանդես է գալիս եռակողմ հայտարարությունների պահպանման օգտին։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ռազմական գործողությունների վերսկսումը հայ-ադրբեջանական սահմանին այն է, ինչը նախօրեին դարձավ լրջագույն անհանգստության առիթ, սակայն ռուսական կողմի միջնորդական ջանքերի շնորհիվ հաջողվեց հակամարտող կողմերին զսպվածության բերել։ Ռուսական կողմը հետագայում ևս դա կանի։ Մենք, այնուամենայնիվ, հույս ունենք, որ իրավիճակի կայունացման միակ ճանապարհը եռակողմ հայտարարությունների կատարումն է»,- ասել է Կրեմլի ներկայացուցիչը։
Պեսկովը նաև հայտարարել է, որ Պուտինի, Փաշինյանի և Ալիևի եռակողմ շփման համար անհրաժեշտ է բոլոր կողմերի պատրաստակամությունն ու համաձայնությունը։
«Իհարկե, որևէ փուլում նման շփումներն անհրաժեշտ են լինելու, բայց որպեսզի դրանք հնարավոր լինեն, անհրաժեշտ է երեք կողմերի համաձայնությունն ու պատրաստակամությունը»,- ասել է ՌԴ նախագահի խոսնակը։
Էմմա Չոբանյան
