ՌԴ-ն փորձարկել է ուղիղ խոցման հակաարբանյակային հրթիռ՝ վտանգելով Միջազգային տիեզերակայանի անձնակազմին

Լուրեր

17.11.2026 | 14:42
Մեծ Բրիտանիան ողջունում է Հարավային Կովկասում խաղաղության հաստատման ուղղությամբ արձանագրված առաջընթացը
17.11.2026 | 14:34
Հոկեյի կանանց ԱՄՆ-ի հավաքականը պաշտպանել է աշխարհի չեմպիոնի տիտղոսը. ՏԵՍԱՆՅՈՒԹ
17.11.2026 | 14:25
Տենց «շյուստրի» քա՞նի եղբայր եք. մեզ մանդատ են տվել, քանի որ դեմ ենք. Քրիստինե Վարդանյան․ ՏԵՍԱՆՅՈՒԹ
17.11.2026 | 14:13
Ադրբեջանում առաջարկել են դադարեցնել ռուսերենով կրթության ֆինանսավորումը պետբյուջեից
17.11.2026 | 14:04
Ասում եք` հլը սպասեք, ՌԴ-ն ձեզ գցելու է Զելենսկու վիճակի մեջ, հետո գնում ՌԴ ասում` արա՛, քո քայլն է․ Մարիա Կարապետյան․ ՏԵՍԱՆՅՈՒԹ
17.11.2026 | 13:53
Մեսրոպ Մանուկյանի ճեպազրույցը. ՈՒՂԻՂ
17.11.2026 | 13:50
Ճապոնիան կործանիչներ է օդ բարձրացրել՝ ի պատասխան ռուսական ինքնաթիռի կողմից օդային տարածքի խախտման
17.11.2026 | 13:50
Ռուբինյանը պայման առաջարկեց. կողմ ենք քվեարկում ձեր հայտարարությանը, դուք՝ Սահմանադրության նախագծին․ ՏԵՍԱՆՅՈՒԹ
17.11.2026 | 13:42
Գեղամ Մանուկյանն արձագանքեց Վահագն Ալեքսանյանի՝ Քոչարյանի և Հեյդար Ալիևի մտերմության մասին ռեպլիկին․ ՏԵՍԱՆՅՈՒԹ
17.11.2026 | 13:37
Քոչարյանը միակն է ՀՀ-ում, որ Հեյդար Ալիևից երաշխավորագիր է ստացել. Վահագն Ալեքսանյան․ ՏԵՍԱՆՅՈՒԹ
17.11.2026 | 13:35
Հայ ծանրորդները կմասնակցեն Օլիմպիական վարկանշային մրցաշարի
17.11.2026 | 13:26
Եվրոպայի համար կարևոր է՝ թույլ չտալ Ռուսաստանի ազդեցության ուժեղացումը Հարավային Կովկասում․ Գերմանիայի ԱԳ նախարար
17.11.2026 | 13:19
Էդգար Ղազարյանը Արթուր Սարգսյանի բացակայության վերաբերյալ հարցեր ուղղեց. Ռուբինյանը չպատասխանեց․ ՏԵՍԱՆՅՈՒԹ
17.11.2026 | 13:16
Գևորգ Ստեփանյանի ճեպազրույցը. ՈւՂԻՂ
17.11.2026 | 13:15
Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
Բոլորը

Ռուսաստանը փորձարկել է ուղիղ խոցման հակաարբանյակային հրթիռ (DA-ASAT), որը հարվածել է խորհրդային «Կոսմոս-1408» արբանյակին և ստեղծել բեկորային դաշտ Երկրի ցածր ուղեծրում: Այս մասին հայտարարել է ԱՄՆ տիեզերական ուժերի հրամանատարությունը (USSPACECOM), որը մտնում է ԱՄՆ ռազմաօդային ուժերի կազմում, գրում է DW-ի ռուսական ծառայությունը։

«Ռուսական DA-ASAT-ի կողմից առաջացրած աղբը դեռևս երկար տարիներ սպառնալիք կհանդիսանա տիեզերական գործունեության համար՝ վտանգի ենթարկելով արբանյակներին ու տիեզերական առաքելություններին, ինչպես նաև կստիպի ավելի շատ մանևրումներ կատարել բախումներից խուսափելու համար»,- ընդգծել է ամերիկացի գեներալը։

ԱՄՆ տիեզերական հրամանատարության տվյալներով՝ փորձարկումն առաջացրել է ավելի քան 1500 կտոր ուղեծրային բեկոր, որոնք ապագայում կարող են հանգեցնել հարյուր հազարավոր փոքր կտորների:

USSPACECOM-ի նախնական գնահատականով՝ բեկորները կմնան ուղեծրում «երկար տարիներ, գուցե՝ տասնամյակներ», ինչը զգալի վտանգ է ներկայացնում Միջազգային տիեզերակայանի անձնակազմի և այլ օդաչուավոր տիեզերական առաքելությունների, ինչպես նաև մի շարք արբանյակների համար:

«Ռուսաստանի կողմից ուղղակի հակաարբանյակային զենքի փորձարկումները հստակ ցույց են տալիս, որ Ռուսաստանի Դաշնությունը շարունակում է զարգացնել հակատիեզերական զենքի համակարգեր, որոնք խաթարում են ռազմավարական կայունությունը և վտանգ ներկայացնում բոլոր երկրների համար»,- համոզված են USSPACECOM-ում։

ԱՄՆ պետքարտուղար Էնթոնի Բլինքենն իր հերթին կոչ է արել «բոլոր պատասխանատու տիեզերական ուժերին»՝ միանալ Վաշինգտոնին «պատասխանատու վարքագծի նորմերը մշակելու ջանքերում և զերծ մնալ վտանգավոր և անպատասխանատու, կործանարար փորձարկումներից, ինչպիսին իրականացրել է Ռուսաստանը»:

Պետքարտուղարության խոսնակ Նեդ Փրայսն էլ հայտարարել է, որ «Ռուսաստանի վտանգավոր և անպատասխանատու պահվածքը սպառնում է տիեզերքի երկարաժամկետ կայունությանը և հստակ ցույց է տալիս, որ տիեզերական զենքին հակազդելու Ռուսաստանի հայտարարությունները կեղծավոր են»։ Փրայսը հավելել է, որ Միացյալ Նահանգները կաշխատի դաշնակիցների հետ Ռուսաստանին պատասխանելու ուղղությամբ։

Միջազգային տիեզերակայանի (ՄՏԿ) անձնակազմի անդամները ստիպված են եղել ապաստան գտնել իրենց հատվածներում՝ «Սոյուզ» և «Կրյու Դրագոն» տիեզերանավերում։ Այս պահին ՄՏԿ-ում են ռուսներ Անտոն Շկապլերովը և Պետր Դուբրովը, ամերիկացիներ Մարկ Վանդե Հայը, Թոմ Մարշբերնը, Ռաջա Չարին, Քայլա Բարոնը և Եվրոպական տիեզերական գործակալության տիեզերագնաց Մաթիաս Մաուրերը Գերմանիայից։

Ավելի ուշ Roscosmos-ի Twitter-յան էջում հայտարարություն է տարածվել, որ «օբյեկտի ուղեծիրը, որի պատճառով նոյեմբերի 15-ին անձնակազմը ստանդարտ ընթացակարգերով ստիպված է եղել տեղափոխվել տիեզերանավեր, հեռացել է ՄՏԿ-ի ուղեծրից»։

«Կայանը գտնվում է «կանաչ գոտում»»,- նշել են ՌԴ տիեզերական գործակալությունից։

Մոսկվան դեռ պաշտոնապես չի մեկնաբանել հակաարբանյակային հրթիռի կիրառման մասին Վաշինգտոնի հայտարարությունները։

Տաթև Ֆռանգյան