14.09.2026 | 19:22
Պապիկյանը և Ֆրանսիայի դեսպանը քննարկել են գործակցության հեռանկարներին առնչվող հարցեր
ՌԴ-ն պատրաստ է օգնել Թուրքիային՝ հինգերորդ սերնդի սեփական կործանիչի ստեղծման հարցում
Քաղաքականություն
15.11.2021 | 14:02
Ռուսաստանը պատրաստ է օգնել Թուրքիային՝ հինգերորդ սերնդի ազգային կործանիչի շարժիչի ստեղծման հարցում, եթե Անկարան դիմի։ Այս մասին հայտարարել է ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևը, գրում է ՌԻԱ Նովոստին։
«Թուրքիան ունի հինգերորդ սերնդի կործանիչ ստեղծելու սեփական ծրագիր, այսպես կոչված TFX: Ինչքան գիտեմ՝ ամեն ինչ չէ, որ ստացվում է շարժիչի հետ, մենք կօգնենք, եթե դիմեն»,- ասել է Շուգաևը «Ռոսիա 24» հեռուստաալիքի եթերում։
Բացի այդ, Շուգաևը նաև նշել է՝ Թուրքիան, որը չի ստացել ԱՄՆ-ից F-35 կործանիչները, կարող է հետաքրքրվել ռուսական Սու-35, ինչպես նաև Սու-57 կործանիչներով։ Նա, միաժամանակ, ասել է, որ հինգերորդ սերնդի ինքնաթիռների մատակարարումը ներկայում ՌԴ օդատիեզերական ուժերի իրավասությունն է։
Ավելի վաղ Թուրքիայի արդյունաբերության ու տեխնոլոգիաների նախարար Մուս2աֆա Վարանկը ՌԻԱ Նովոստիին ասել էր, որ Անկարան չի բացառում Սու-35 և Սու-57 ինքնաթիռների գնման հնարավորությունը, սակայն առաջնահերթությունը սեփական հինգերորդ սերնդի կործանիչների մշակումն է։
Էմմա Չոբանյան
