14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Էրդողանը հայտարարել է, որ ԵՄ սահմանին միգրանտների ճգնաժամում «Թուրքիային մեղադրելը երախտամոռություն է»
Քաղաքականություն
12.11.2021 | 16:50
Պնդումներն այն մասին, որ ԵՄ սահմաններին միգրացիոն ճգնաժամը Թուրքիան է հրահրել, ոչ այլ ինչ է, քան երախտամոռության դրսևորում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Հունգարիայի վարչապետ Վիկտոր Օրբանի հետ համատեղ մամուլի ասուլիսում, գրում է «Անադոլու» գործակալությունը։
Նա, միաժամանակ, Հունաստանին մեղադրել է միգրանտների նկատմամբ վատ վերաբերմունքի մեջ։
«Հունաստանը երկիր է, որը ներգաղթյալներով նավակները խոցում էր՝ նրանց մահվան դատապարտելով։ Մենք դրա ապացույցներն ունենք»,- ասել է Էրդողանը։
Թուրքիայի նախագահը նշել է, որ հունական նավահանգստային Ալեքսանդրուպոլիս քաղաքում ամերիկյան խոշոր ռազմաբազայի ստեղծումը խոսում է այն մասին, որ Հունաստանը վերածվել է ԱՄՆ-ի յուրահատուկ ֆորպոստի։
Անդրադառնալով թուրք-հունգարական հարաբերությունների զարգամցմանը՝ Էրդողանը հայտարարել է, որ Թուրքիան նպատակ ունի Հունգարիայի հետ ապրանքաշրջանառությունը հասցնել 6 մլրդ դոլարի։ Նա հայտնել է, որ բանակցությունների ընթացքում թուրքական և հունգարական պատվիրակությունները քննարկել են երկկողմ հարաբերություններին, տնտեսական ու առևտրային կապերին վերաբերող հարցեր, ինչպես նաև միջազգային ու տարածաշրջանային խնդիրներ։
Էմմա Չոբանյան
