Սյունիքի մի բնակավայրից մյուսը` Ադրբեջանի մաքսակետին վճարելով. Փաշինյանը կոչ է անում սառնասիրտ լինել․ ՏԵՍԱՆՅՈւԹ

Լուրեր

18.11.2026 | 16:00
Վեց տարուց ավելի՝ ԵՄ ավիացիոն «սև ցուցակում»․ ինչո՞ւ Հայաստանը դեռ չի կարողանում հաղթահարել սահմանափակումը
18.11.2026 | 15:55
Ադրբեջանն աղվանա-ուդիական համայնքի անդամների քարոզչական այց է կազմակերպել Ամարասի վանք
18.11.2026 | 15:47
«Վիվա Արմենիան», «Յուքոմը» և «Տելեկոմ Արմենիան» հակամրցակցային համաձայնության համար տուգանվել են շուրջ 87,5 մլն դրամով
18.11.2026 | 15:41
Երևանի դպրոցներից մեկում առարկայի դասավանդումը վստահվել է համապատասխան որակավորում չունեցող անձի․ Կրթության տեսչական մարմին
18.11.2026 | 15:39
Մոլդովայի ԱԳՆ-ն Ռուսաստանի դեսպանին բողոքի նոտա է հանձնել՝ ռուսական ԱԹՍ-ների կողմից երկրի օդային տարածքի խախտման համար
18.11.2026 | 15:30
Քննարկվել են Հայաստանում ջրամատակարարման սակագնային քաղաքականության և ջրային ոլորտի ֆինանսավորման հարցերը
18.11.2026 | 15:21
Պուտինը Թրամփի և Սի Ցզինպինի հետ հանդիպումից ակնկալում է գլոբալ փոխզիջումների որոնում
18.11.2026 | 15:10
Փաշինյանն ուղերձ կհղի Սահմանադրության հետ կապված // Մասիսում ճնշումների մասին են հայտարարում․ ԼՈՒՐԵՐ
18.11.2026 | 15:08
«Գանձասարը» դարձյալ հեռացրել է գլխավոր մարզիչին
18.11.2026 | 15:00
Թրամփը, Պուտինն ու Սին չեն կարողանա բաժանել աշխարհը․ Ռիչարդ Ֆոնտեյնը՝ եռակողմ հանդիպման մասին․ ՏԵՍԱՆՅՈՒԹ
18.11.2026 | 14:52
ՄԻՊ-ը Շվեյցարիայի դեսպանի հետ քննարկել է Ադրբեջանում պահվող հայերի և կալանքի կիրառման խնդիրները
18.11.2026 | 14:49
Վիրավորանքի և զրպարտության համար փոխհատուցման նոր շեմերը կարող են ճնշման գործիք դառնալ ԶԼՄ-ների դեմ․ լրագրողական կազմակերպությունները պահանջում են հետ կանչել նախագիծը
18.11.2026 | 14:44
Ճապոնիան պատրաստ է աջակցել Հայաստանում հակակոռուպցիոն բարեփոխումներին․ դեսպան
18.11.2026 | 14:34
Սի Ցզինպինը խախտել է արարողակարգը՝ Չինաստան ժամանելիս օդանավակայանում անձամբ դիմավորելով Թրամփին
18.11.2026 | 14:23
Ֆրանսիայի ԱԳ նախարարը հերքել է Ուկրաինայի պատերազմին Փարիզի անմիջական մասնակցության վերաբերյալ Լավրովի մեղադրանքները
Բոլորը

Գորիս-Կապան միջպետական ավտոճանապարհի 21 կմ-անոց վիճահարույց հատվածը, ըստ էության, ամբողջությամբ անցնում է Ադրբեջանին: Նոյեմբերի 11-ին ադրբեջանական կողմը մաքսակետեր է դրել ճանապարհի, Փաշինյանի ներկայացմամբ՝ Էյվազլիի հատվածում, և հիմա ՀՀ քաղաքացիներն անցնելու կամ բեռներ փոխադրելու համար պետք է մաքսատուրք վճարեն:

Ուշագրավ է, որ այս կարևորագույն փոփոխության մասին հանրությունը տեղեկացավ հանկարծակի: Երեկ ուշ երեկոյան Հանրայինի եթերում այդ մասին հայտնեց Անվտանգության խորհրդի քարտուղար Արմեն Գրիգորյանը։ Ընդ որում, Հանրայինի «Լուրերի» թողարկումը սկսվեց ամենևին էլ ոչ այս տեղեկատվությամբ, այլ, ըստ ամենայնի, ավելի կարևոր դիտված լուրով այն մասին, որ ՀՀ-ում ՄԱԿ-ի մշտական համակարգողն իր դիվանագիտական առաքելությունն ավարտել է և հեռանում է։ Ինչևէ։

Այսօր արդեն Կառավարության նիստում հարցին անդրադարձավ Նիկոլ Փաշինյանը: Նա ՀՀ քաղաքացիներին հորդորեց օգտվել Կապան-Աղվանի-Տաթև-Հալիձոր-Շինուհայր Մ2 ճանապարհից, որն ամբողջությամբ շահագործման է հանձնվել ադրբեջանական մաքսակետերի տեղակայման մասին հայտնի դառնալուց կարճ ժամանակ առաջ: Ընդ որում, Փաշինյանը շեշտեց, որ ադրբեջանական մաքսակետը հայկական տարրածքում չէ․ «Շահարկումներից խուսափելու համար պետք է նշեմ, որ ադրբեջանական անցակետը չի գտնվում Հայաստանի տարածքում, խոսքն էյվազլիի հատվածի մասին է»:

Հայաստանի քաղաքացիների և հայկական բեռների նկատմամբ Գորիս-Կապան ճանապարհի նշված հատվածում Ադրբեջանի կողմից որևէ սահմանային հսկողություն չիրականացնելու այլընտրանքը, ըստ Փաշինյանի, լինելու էր միջանցքը։

ԱԽ քարտուղար Արմեն Գրիգորյանն էլ այսօր տեղեկացրեց, որ, ցանկության դեպքում, ՀՀ քաղաքացիները կարող են երթևեկել Գորիս-Կապան ճանապարհով՝ Ադրբեջանի սահմանած մաքսատուրքերը վճարելու դեպքում: Գրիգորյանն այսօր էլ կրկնեց՝ Հայաստանն էլ իր հերթին է նշյալ հատվածում մաքսակետեր դնելու, որպեսզի, եթե հանկարծ Ադրբեջանի քաղաքացիները որոշեն սահմանը հատել, իրենք էլ գումար վճարեն: Իսկ ինչո՞ւ պետք է Ադրբեջանի քաղաքացին ցանկանա ՀՀ սահմանը հատել, երբ, ի տարբերություն հայկական կողմի, վիճահարույց ճանապարհներով անցնող բնակավայրեր չունի: Անվտանգության խորհրդի քարտուղարը մեր այս հարցին ուղիղ պատասխան չտվեց:

Եվ մինչ «դուխով» կարգախոսի սիրահար վարչապետը Կառավարության նիստում փորձում էր ադրբեջանական մաքսակետով անցնելուն պարտադրված ՀՀ քաղաքացիներին «դուխ տալ», ընդդիմությունը կատարվողի դեմ բողոքի ակցիա էր իրականացնում Կառավարության դիմաց։ Ակցիան անցավ բախումներով ու քաշքշուկով, բերման ենթարկվեց շուրջ երեք տասնյակ քաղաքացի: Կառավարությունից ընդդիմադիրներին այդպես էլ որևէ մեկը չմոտեցավ:

Ընդդիմադիրներն ահազանգում են, որ վտանգված է Կապան-Ճակատեն ավտոճանապարհը, իսկ մի քանի գյուղեր զրկվում են ճանապարհներից:

Իշխանության ներկայացուցիչները չեն հերքում, որ Սյունիքի որոշ գյուղեր ճանապարհների խնդրի առաջ են կանգնում, բայց ճանապարհների ասֆալտապատմամբ հպարտացող Փաշինյանի թիմն այս պահին առաջարկում է գրունտային ճանապարհով բավարարվել:

Քաղաքագետ Արեգ Քոչինյանն ադրբեջանական անցակետերի տեղադրումը Հայաստանի իշխանությունների հերթական զիջումն է համարում: Քաղաքագետի խոսքով՝ Հայաստանի իշխանությունները հերթական անգամ ձախողել են հնարավոր բանակցությունները, ինչի հետևանքով չի հաջողվել կանխել մաքսակետերի տեղադրումը:

Հայաստանն այժմ դժվար իրավիճակում է: Անհայտ է սահմանների դեմարկացիայի և դելիմիտացիայի, ինչպես նաև պետության անվտանգությանն առնչվող խնդիրների լուծումը: Իսկ մինչ պատկան մարմիններն ու առանցքային պաշտոնյաները կորոշակիացնեն հրատապ խնդիրների լուծման տարբերակները, մնում է հետևել ԱԽ քարտուղարի օրինակին։

Մանրամասները՝ տեսանյութում։

Նարեկ Կիրակոսյան