16.09.2026 | 12:52
Ալեն Սիմոնյանն ընդունել է Հայաստանում Վրաստանի դեսպանին
Լեհաստանի անվտանգության ուժերը գիշերը կանխել են անօրինական միգրանտների մեծ խմբի սահմանահատման փորձը
Քաղաքականություն
11.11.2021 | 14:36
Լեհաստանի անվտանգության ուժերը չորեքշաբթի գիշերը կանխել են անօրինական միգրանտների մեծ խմբի կողմից ուժով սահմանը հատելու փորձը։ Այս մասին ՏԱՍՍ-ին հայտնել է սահմանապահ ծառայության մամուլի բաժնի ներկայացուցիչ Էվելինա Շչեպանսկան։
«Միջադեպը տեղի է ունեցել երեկ ուշ երեկոյան։ Իրավիճակը շատ ծանր է. անընդհատ սահմանը հատելու բռնի փորձեր են արվում։ Այս անգամ 150 ագրեսիվ միգրանտներ փորձել են հատել սահմանը Բիալովեզա շրջանում։ Մեր աշխատակիցների վրա փայտեր և քարեր են նետել, փայտերով փորձել են ջարդել ցանկապատը։ Այդ փորձը կանխվել է, ավելի ուշ այդ մարդկանցից մի քանիսին Բելառուսի անվտանգության ուժերը տեղափոխել են անտառ»,- ասել է նա։
Շչեպանսկայի խոսքով՝ սահմանապահ ծառայությունը հետևում է իրավիճակի զարգացմանը և ակնկալում, որ առաջիկա օրերին ևս նմանատիպ նոր փորձեր կլինեն։
«Դա չենք բացառում։ Մենք պատրաստ ենք և թույլ չենք տա ապօրինի հատել սահմանը»,- հայտարարել է նա։
Այս տարվա ընթացքում լեհ սահմանապահները կանխել են լեհ-բելառուսական սահմանն ապօրինի հատելու գրեթե 33 հազար փորձ։ Հիմնականում Իրաքի քաղաքացիները փորձում են անցնել Լեհաստան։ Նրանցից շատերը Գերմանիա հասնելու ցանկություն են հայտնել։
Տաթև Ֆռանգյան
