30.07.2026 | 11:33
Ժաննա Անդրեասյանը հետևել է Ծիծեռնակաբերդի հիմնանորոգման ընթացքին․ կվերանորոգվի Հավերժության տաճարի ևս երեք մույթ
Լեհաստանը նախազգուշացրել է Բելառուսի հետ սահմանին հնարավոր զինված էսկալացիայի մասին
Քաղաքականություն
09.11.2021 | 18:10
Լեհաստանը նախազգուշացրել է Բելառուսի հետ սահմանին հնարավոր զինված էսկալացիայի մասին՝ մտահոգություն հայտնելով, որ հարևան երկիրը կարող է փորձել միջադեպ հրահրել հարյուրավոր ներգաղթյալների մասնակցությամբ, որոնք ցանկանում են մուտք գործել ԵՄ տարածք, գրում է BBC News-ը:
Նշվում է, որ լրացուցիչ զորքեր են տեղակայվել սահմանին այն բանից հետո, երբ մարդկանց ամբոխը փորձել է կտրել փշալարերով սահմանի ցանկապատը:
Լեհաստանը, Եվրամիությունը և ՆԱՏՕ-ն հայտարարել են, որ Բելառուսը խնդիրներ է ստեղծում, սակայն այս պնդումները հերքվել է Բելառուսի առաջնորդի կողմից:
Լեհաստանը հայտարարել է, որ փակում է Կուզնիցայի հիմնական սահմանային անցակետը: Ըստ Վարշավայի պաշտոնական տեղեկությունների՝ Լեհաստանի արևելյան սահմանին մոտ 4000 մարդ հայտնվել է միգրացիոն ճգնաժամի մեջ: Գիշերը սահմանին ջերմաստիճանը նվազել է զրոյից ցածր, իսկ վերջին շաբաթների ընթացքում մի քանի մարդ արդեն մահացել է:
ԵՄ-ի և ՆԱՏՕ-ի անդամ հանդիսացող Լեհաստանը, Լիտվան և Լատվիան վերջին ամիսներին գրանցել են Բելառուսից իրենց երկրներ անօրինական մուտք գործելու փորձերի աճ: Շատերը երիտասարդ տղամարդիկ են, բայց կան նաև կանայք և երեխաներ, հիմնականում՝ Մերձավոր Արևելքից և Ասիայից: ԵՄ առաջնորդները հայտարարել են Բելառուսի կողմից հիբրիդային պատերազմի մասին։
Տաթև Ֆռանգյան
