18.03.2026 | 19:22
Իրանը սպառնում է Կատարի, Սաուդյան Արաբիայի և ԱՄԷ-ի էներգետիկ ակտիվներին՝ իր գազի հանքավայրի վրա հարձակումից հետո
«Արարատի» ֆուտբոլիստները մարզումներ կանցկացնեն շվեյցարական և ֆրանսիական թիմերի հետ
31.03.2018 | 14:38
«Արարատ» ֆուտբոլային ակումբի ղեկավարությունը սկսել է նախաձեռնություն՝ կապված մանկապատանեկան դպրոցի զարգացման և փորձի փոխանակման հետ:
Ապրիլի 10-ից 22-ը «Արարատ-2005» թիմի երեք ֆուտբոլիստ` Կորյուն Կիրակոսյանը, Հայկ Ավագյանը և Էրիկ Բաբայանը մանկապատանեկան թիմերի մարզիչ Մաքսիմ Առաքելյանի գլխավորությամբ կմեկնեն Շվեյցարիա՝ մասնակցելու տեղի «Ստադ Նիոն» թիմի հետ համատեղ ուսումնամարզական հավաքին:
Այս մասին հայտնում է երևանյան ակումբի պաշտոնական կայքը:
Պատանի ֆուտբոլիստները մարզվելու են շվեյցարական ակումբի` իրենց հասակակիցների հետ, իսկ մարզիչ Մաքսին Առաքելյանը կմասնակցի վերապատրաստման և փորձի փոխանակման «Ստադ Նիոն» մարզիչների հետ:
Ապրիլի 17-ին արարատցիները կմեկնեն Ֆրանսիա՝ Լիոն քաղաք, որտեղ 3 օր կանցկացնեն «Լիոն» ակումբի ակադեմիայում:
Նշենք, որ այդ ժամանակահատվածում «Լիոնի» սաները մասնակցելու են պատանեկան Չեմպիոնների Լիգայի խաղարկությանը, իսկ «Արարատի» ֆուտբոլիստները մարզվելու են իրենց հետ:
