Լավրովը հայտարարել է, որ Ուկրաինան փորձում է ՌԴ-ին ներքաշել ռազմական գործողությունների մեջ

Ուկրաինայի իշխանությունները փորձում են սադրիչ իրավիճակ ստեղծել Դոնբասում՝ Ռուսաստանին ռազմական գործողությունների մեջ ներքաշելու համար։ Այս մասին այսօրը հայտարարել է ՌԴ արտգործնախարար Սերգեյ Լավրովը  «Ռոսիա 24»-ին տված հարցազրույցում, որը հրապարակել  է ՌԴ ԱԳՆ-ը։

«Այո՛, սրացումն ակնհայտ է։ Դիտարկվում է սադրիչ իրադարձություններ ստեղծելու փորձ՝ աշխարհազորայինների կողմից ինչ-որ պատասխան առաջացնելու և Ռուսաստանին ինչ-որ ռազմական գործողությունների մեջ ներքաշելու համար»,- հայտարարել է Լավրովը։

Ռուսաստանցի պաշտոնյան նաև «առեղծվածային պատմություն» է անվանել Ուկրաինայի հարավ-արևելքում Կիևի կողմից Անկարայից ձեռք բերված Bayraktar անօդաչու թռչող սարքերի օգտագործման մասին հաղորդումները։

«Ուկրաինայի զինված ուժերի հրամանատարը հայտարարում է, որ այդ զենքերը կիրառվել են, իսկ պաշտպանության նախարարն ասում է, որ նման բան չի եղել։ Կարծում եմ՝ հիմա այնտեղ վիճում են, թե իրենց համար որն է ավելի ձեռնտու․ ցույց տալ իրենց «ուժե՞ղ լինել», որ արդեն սկսել են ռմբակոծել՝ մինսկյան պայմանավորվածությունների կոպիտ, ուղղակի խախտմամբ, թե՞ ասել, որ դեռ կատարում են Մինսկի պայմանավորվածությունները և առաջարկում են հավաքվել «նորմանդական ձևաչափով»,- նշել է ՌԴ ԱԳՆ ղեկավարը։

Պատասխանելով «նորմանդական ձևաչափով» նախարարական հանդիպման հրավիրման հեռանկարների մասին հարցին՝ Լավրովն ընդգծել է, որ «հանդիպում՝ հանուն հանդիպման» իրենց պետք չէ։

Տաթև Ֆռանգյան