16.06.2026 | 15:27
Ես այլևս չեմ ուզում թաքցնել․ Նիկոլ Փաշինյանը՝ նախընտրական շրջանում ՀՀ-ին սպառնացող վտանգների մասին․ ՏԵՍԱՆՅՈՒԹ
Հայաստանում հանցագործությունների թիվն այս տարի կտրուկ աճել է
Հասարակություն
30.03.2018 | 14:59
Պաշտոնական տվյալների համաձայն՝ այս տարվա հունվար-փետրվար ամիսներին Հայաստանում արձանագրված հանցագործությունների թիվն աճել է 246-ով և 2017 թվականի 2 հազար 570 հանցագործության դիմաց գրանցվել է 2 հազար 816-ը։
Արձանագրված հանցագործությունների թվի աճը կազմել է 9,5 տոկոս։ Ուշագրավ է, որ աճը առկա է ըստ ծանրության բոլոր հանցատեսակներում։ Մասնավորապես, ոչ մեծ ծանրության հանցատեսակները, որոնց տեսակարար կշիռն ընդհանուրի մեջ ամենամեծն է, անցած տարվա համեմատ աճել են 76 դեպքով (5,5%) և կազմել են 1450։
Այս տարվա առաջին երկու ամիսներին միջին ծանրության 882 հանցագործության դեպք է արձանագրվել, ինչը անցած տարվա ցուցանիշից ավել է 82 դեպքով կամ նույնն է, թե 10,2%-ով։ Սակայն, առավել մտահոգիչ է այն փաստը, որ կտրուկ ավելացել են ծանր և առանձնապես ծանր հանցագործությունները։ Մասնավորապես արձանագրվել է 448 ծանր հանցագործության դեպք, ինչը անցած տարվա համեմատ ավելացել է 81 դեպքով (22%), իսկ առանձնապես ծանր հանցագործությունների թիվը 29-ից դարձել է 36, աճը 24,1% է։
Վահագ Հովակիմյան
