14.10.2026 | 23:24
Երևանի 2 վարչական շրջանում փոշու պարունակությունը գերազանցել է սահմանային շեմը
Սեյրան Օհանյանը հարցն «առկախ» է թողել՝ ո՛չ մերժել է, ո՛չ ընդունել. «Հրապարակ»
29.03.2018 | 09:33
«Հրապարակ» թերթը գրում է.
«Հանուն Հայաստան պետության ճակատի» անդամ Արմեն Մարտիրոսյանն օրերս չբացառեց, որ իրենց կմիանա նաև Սեյրան Օհանյանը, որի հետ հանդիպելու և բանակցելու համար պատվիրակված է հենց ինքը՝ Մարտիրոսյանը։
Մեր հարցին` ՕՐՕ դաշինքի ղեկավար Սեյրան Օհանյանը, ի վերջո, կմասնակցի՞ Սերժ Սարգսյանի վարչապետության դեմ պայքարին, ճակատի անդամ Պետրոս Մակեյանը պատասխանեց․ «Կարծեմ հանդիպում եղել է, սակայն Օհանյանը մեր նիստերին չի մասնակցում»։
Նա հայտնեց նաև, որ Օհանյանը հարցն «առկախ» է թողել՝ ո՛չ մերժել է, ո՛չ ընդունել, սակայն ասել է, թե պայքարը ժամանակավրեպ է։ Մինչդեռ Մարտիրոսյանը կտրուկ հերքեց հանդիպման մասին լուրը, ինչից կարելի է կարծել, որ Սեյրան Օհանյանը դեռևս չի ցանկանում ասպարեզ ելնել։ Թեև դա չի նշանակում, որ հաջորդ պահին չի ցանկանալու»։
Առավել մանրամասն՝ թերթի այսօրվա համարում:
