16.12.2025 | 17:07
Ադրբեջանի նախկին փոխվարչապետի նկատմամբ հետախուզում է հայտարարվել հեղաշրջման գործով
Ալիևը կրկին հիշել է «Զանգեզուրի միջանցքի» մասին՝ նշելով, թե հասնում են նրան, ինչ ուզում էին
Քաղաքականություն
20.10.2021 | 22:10
Ադրբեջանի նախագահ Իլհամ Ալիևն այսօր այցելել է Արցախի գրավյալ Կովսական, որտեղ մի շարք հայտարարություններ է արել, հաղորդում են ադրբեջանական լրատվամիջոցները։
Նա նշել է, որ Կովսականը շուտով դառնալու է տրանսպորտային լոգիստիկ կենտրոն։
«Խորհրդային տարիներին Զանգիլանում օդանավակայան չի եղել, սակայն հիմա կառուցվելու է միջազգային օդանավակայան, իսկ Զանգիլանը կդառնա մեր երկրի տրանսպորտային ու լոգիստիկ կենտրոնը»,- ասել է Ալիևը։
Բացի այդ, նա կրկին ցանկալին իրականության հետ է շփոթել ու խոսել, այսպես կոչված, «Զանգեզուրի միջանցքի» մասին։ Ալիևը նշել է, որ ներկայում կառուցվում է երկաթուղի, ինչպես նաև Հորադիզ-Աղբենդ ավտոճանապարհը։
«Վերջին իրադարձությունները՝ կապված «Զանգեզուրի միջանցքի» բացման հետ, ցույց են տալիս, որ մենք հասնում ենք նրան, ինչ ուզում էինք»,- հայտարարել է Ադրբեջանի նախագահը։
Հիշեցնենք, որ Հայաստանը «Զանգեզուրի միջանցքի» ստեղծման պարտավորություն չունի և չի ստորագրել որևէ միջազգային փաստաթուղթ։ ՀՀ իշխանություններն էլ տարբեր մակարդակներում հայտարարել են, որ հայկական կողմը չի պատրաստվում որևէ միջանցք բացել Հայաստանում Ադրբեջանի համար։
Էմմա Չոբանյան
