19.12.2025 | 14:36
19 մլն դրամ կորցրի Գազպրոմի անունից խաղարկության, 17 հզր դոլար էլ`«Deliver» կազմակերպությունից. տուժած. ՏԵՍԱՆՅՈՒԹ
Թուրքիան և «Սիրիայի ազատ բանակը» վերահսկողություն են սահմանել Թել Ռըֆաթ քաղաքի վրա
Քաղաքականություն
28.03.2018 | 11:28
Թուրքական լրատվամիջոցները, վկայակոչելով սիրիական ոչ պաշտոնական աղբյուրները, հայտնում են, որ մարտի 27-ին Թուրքիայի զինված ուժերը և «Սիրիայի ազատ բանակ» խմբավորումը «Ձիթենու ճյուղ» ռազմական գործողության շրջանակներում ներխուժել են սիրիական Թել Ռըֆաթ քաղաք. փոխանցում է ermenihaber-ը:
Այն Աֆրին քաղաքից 21կմ հեռավորության վրա է և և գտնվում է Սիիրիայի քրդական ուժերի վերահսկողության տակ։ Այժմ քաղաքում իրականացվում են ականազերծման աշխատանքներ։
Համաձայն ոչ պաշտոնական տեղեկատվության՝ նրանց հաջողվել է վերահսկողություն սահմանել քաղաքի վրա և այնտեղից դուրս մղել քրդական ուժերին։
Քաղաքը ռազմավարական նշանակություն ունի Թուրքիայի համար, քանի որ այն գտնվում է թուրքական սահմանամերձ Քիլիս քաղաքը Հալեպին կապող մայրուղու վրա։
Աղբյուրը Թուրքիայի զինված ուժերի ներխուժումը պատճառաբանում է այն հանգամանքով, թե իբր Թել Ռըֆաթի բնակչությունը օգնության նպատակով դիմել է Թուրքիային։
Հաղորդվում է, որ Թել Ռըֆաթի գրավումով թերևս կավարտվի հունվարի 20-ին Թուրքիայի կողմից Սիրիայի տարածքում սկսված «Ձիթենու ճյուղ» ռազմական օպերացիան։
Նախկինում Թուրքիայի նախագահ Ռեջեփ Թայիփ Էրդողանը նշել էր, որ իրենք Աֆրինից հետո պատրաստվում են մտնել Թել Ռըֆաթ։
Հիշեցնենք, որ մարտի 18-ի առավոտյան Թուրքիայի զինված ուժերը և վերջինիս դաշնակից «Սիրիայի ազատ բանակ» խմբավորումը «Ձիթենու ճյուղ» ռազմական օպերացիայի շրջանակներում ներխուժել են սիրիական Աֆրին և քաղաքը վերցրել իրենց վերահսկողության տակ։ Թուրքիայի բանակի ստորաբաժանումները վերահսկողություն են սահմանել նաև Աֆրին քաղաքի հարևանությամբ գտնվող Ռաջո, Բյուլբյուլ, Շեյհ Հադիդ , Ջինդերես, Շերան, Մաբաթլը շրջանները:
