07.11.2024 | 19:37
Փաշինյանը Բուդապեշտում մասնակցել է «Տնտեսական անվտանգություն» թեմայով կլոր-սեղան քննարկմանը
Ադրբեջանն ու Սերբիան ռազմատեխնիկական համագործակցության համաձայնագիր են ստորագրել
Քաղաքականություն
11.10.2021 | 22:50
Ադրբեջանի ռազմական արդյունաբերության նախարար Մադաթ Գուլիևը Բելգրադում հանդիպել է Սերբիայի պաշտպանության նախարար Նեբոյշա Ստեֆանովիչի հետ: Գրում են ադրբեջանական լրատվամիջոցները։
«Ադրբեջանի ռազմական արդյունաբերության նախարար Մադաթ Գուլիևի ղեկավարած պատվիրակությունը Բելգրադում մասնակցում է «Գործընկեր-2021» զենքի ու զինտեխնիկայի ցուցահանդեսին, որը կազմակերպել է Սերբիայի ՊՆ-ն։ Ցուցահանդեսի առաջին օրը Գուլիևը հանդիպել է Ստեֆանովիչին։ Հանդիպման ընթացքում նախարարները ստորագրել են «Ռազմակատեխնիկական համագործակցության համաձայնագիր Ադրբեջանի ու Սերբիայի Հանրապետությունների կառավարությունների միջև»,- ասվում է Ադրբեջանի ռազմական արդյունաբերության նախարարության տարածած հաղորդագրության մեջ։
Նշվում է նաև, որ ադրբեջանցի նախարարը հանդիպել է «Յուգոիմպորտ» ռազմաարդյունաբերական համալիրի ղեկավար Յուգոսլավ Պետկովիչի հետ ու քննարկել երկու երկրների ռազմատեխնիկական համագործակցության ներկա իրավիճակն ու հետագա համագործակցության հեռանկարները։
Էմմա Չոբանյան
