10.04.2025 | 14:52
Դանիելյանը և Մկրտչյանն անհատական ԵԱ-ում կիսում են 3-9-րդ տեղերը
Երեկ Արցախի օդային տարածքը թուրքական ինքնաթիռ է հատել
13.06.2017 | 17:20
Հունիսի 12-ին Ստամբուլ-Բաքու չվերթը, որն իրականացրել է Turkish Airlines ավիաընկերության Airbus A321-231 օդանավը, անցել է Արցախի օդային տարածքով։ Այս մասին Factor.am-ին տեղեկացրին Հայաստանի քաղաքացիական ավիացիայի լրատվական վարչությունից։
Ավելի վաղ մեզ հետ զրույցում Արցախի իշխանությունները ոչ հերքել էին, ոչ էլ հաստատել այդ տեղեկությունը։
«Հունիսի 12-ին ժամը 20,00-ի սահմաններում թուրքական Turkish Airlines ավիաընկերության Ստամբուլից Բաքու մեկնող Airbus A321-231 օդանավը եղանակային անբարենպաստ պայմանների պատճառով փոխել է երթուղին՝ հատելով Արցախի օդային տարածքը»,- փոխանցեցին Քաղավիացիայի լրատվական վարչությունից։
Հիշեցնենք, որ Slim.am կայքը վերծանելով flightradar24.com կայքի միջոցով օնլայն ցուցադրվող թռիչքները, արձանագրել էր, որ դեպի Բաքու թռիչքն իրականացվել է ԼՂՀ տարածքով։ Արցախի Հանրապետության նախագահի մամուլի խոսնակ Դավիթ Բաբայանը մեզ հետ զրույցում բացառել էր, որ դա կարող է ադրբեջանական օդանավ լինել՝ միևնույն ժամանակ նշելով, որ «Արցախի տարածքով տարբեր միջազգային չվերթներ են իրականացվում»։
Սեդա Ղուկասյան
