22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Ստամբուլից Բաքու Արցախո՞վ․ ԼՂՀ իշխանությունները ոչ հերքում, ոչ հաստատում են
Քաղաքականություն
13.06.2017 | 11:54
Արցախի իշխանությունները ոչ հերքում, ոչ էլ հաստատում են, որ Ստամբուլից Բաքու թռչող Turkish Airlines ավաիաընկերության Airbus A321-231 ինքնաթիռը երեկ երեկոյան չվերթը իրականացրել է Արցախի օդային տարածքով։ Slim.am կայքը վերծանելով flightradar24.com կայքի միջոցով օնլայն ցուցադրվող թռիչքները, նկատել է, որ դեպի Բաքու թիռքն իրականացվել է Արցախի տարածքով։ Այս լուրը, Factor.am-ի հետ զրույցում մեկնաբանելով, Արցախի Հանրապետության նախագահի մամուլի խոսնակ Դավիթ Բաբայանն ասաց․ «Մեր տարածքով միջազգային տարբեր չվերթներ են լինում, ինչպես՝ Եվրոպայից Ասիա, Մերձավոր Արևելք, բայց այդ թռիչքի մասին տեղյակ չեմ։ Պետք է նաև հաշվի առնենք այն հանգամանքը, որ ՀՀ-ից բազմաթիվ չվերթներ Թուրքիայի տարածքով են իրականացվում, ուստի թուրքական ինչ-որ օդանավ տեսականորեն կարող է մեր տարածքով թռչել, բայց ադրբեջանականը խիստ կասկածում եմ»։
Արցախի ՊԲ մամուլի խոսնակ Սենոր Հասրաթյանը « տեղեկություն չուներ», թե արդյոք Ստամբուլ-Բաքու թռիչք իրականացվել է Արցախի օդային տարածքով։ Արցախի արտաքին գերատեսչության Տեղեկատվության և հասարակայնության հետ կապերի վարչության պետ Արտակ Ներսիսյանն էլ բառացիորեն ասաց, որ չի կարող նման տեղեկությունը հաստատել կամ հերքել։ Իսկ ահա Հայաստանի քաղաքացիական ավիացիայից նախ ասացին, որ կճշտեն լուրի իսկությունը, ապա՝ պարզաբանմամբ հանդես կգան։
Սեդա Ղուկասյան
