18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Արցախը չի կարող մնալ գորշ գոտի, այն զարգանալու և անվտանգ կյանքի իրավունք ունի. Սոսի Թաթիկյան. ՏԵՍԱՆՅՈՒԹ
Քաղաքականություն
27.09.2021 | 12:52
«Արցախի բնակչությունը կկանգնի էթնիկ բնաջնջման վտանգի առաջ։ Փաստերը շատ են, այդ թվում՝ առաջին պատերազմի տարիներից։ Անգամ խաղաղ ժամանակներում են Ադրբեջանի կողմից էթնիկ ատելության գործողություններ ու քարոզչություն իրականացվել»,- «Միջազգային և անվտանգության հարցերի հայկական ինստիտուտի» կազմակերպած՝ «Արցախյան 44-օրյա պատերազմից 1 տարի անց» խորագրով ֆորումի ժամանակ այս մասին նշեց միջազգային հարաբերությունների, հանրային կառավարման և անվտանգության փորձագետ Սոսի Թաթիկյանը։
«Եթե ռուս խաղաղապահները չորս տարի հետո դուրս գան, ապա Արցախի հայ բնակչությանը էթնիկ բնաջնջում է սպառնում։ Այս հարցում, կարծում եմ, հակափաստարկ չկա, հետևաբար՝ միջազգային հանրությունը, որը ծանոթ է տարածաշրջանի վիճակին, Արցախի հայ բնակչությանը պաշտպանելու․ պատասխանատվություն ունի։ Այդ պատասխանատվությունը միայն ռուս խաղաղապահներինը չէ։ Միջազգային հանրությունը պետք է օգնության ձեռք մեկնի ՀՀ-ին, որը նախկինում Արցախի անվտանգության երաշխավորն էր, և մտածի, թե ինչպես պետք է ապահովել Արցախի հայ բնակչության անվտանգությունն ու իրավունքները»։
Փորձագետի դիտարկմամբ՝ Ադրբեջանն արդեն իսկ վարկաբեկում է ռուս խաղաղապահներին՝ հայտարարելով, որ չորս տարի անց նրանք պետք է լքեն Արցախը, և որ Արցախը չի կարող կարգավիճակ ունենալ։
«Անհրաժեշտ է քննարկել միջազգային մանդատի ներքո Արցախում ռուս խաղաղպահների մասնակցությամբ առաքելության հիմնադրման հարցը, սակայն դիտարկելով նաև ԵԱՀԿ անդամ այլ պետությունների խաղաղապահների մասնակցությունը այդ առաքելությանը։
Այդպիսի առաքելությունը կարող է ունենալ ոչ միայն ռազմական, այլ նաև քաղաքացիական կոմպոնենտ, ինչպես եղել է աշխարհի այլ թեժ կետերում, կարող է ապահովել նաև Արցախին հումանիտար օգնություն հասցնելը և զարգացման ծրագրերի իրականացումը»,- նշեց Սոսի Թաթիկյանը:
«Արցախը չի կարող մնալ գորշ գոտի։ Այն, ինչպես աշխարհի մյուս բոլոր շրջանները, ինչպես Կոսովոն, Արևելյան Թիմորը, Հարավային Սուդանը, ունի զարգանալու և անվտանգ կյանքի իրավունք»,- ընդգծեց փորձագետը:
Մանրամասները՝ տեսանյութում:
