04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
Քաղաքականություն
19.11.2024 | 12:28
Նիկոլ Փաշինյանի ֆեյսբուքյան պաշտոնական էջում այսօր փոփոխություններ են տեղի ունեցել․ վարչապետը փոխել է թե՛ պրոֆիլի գլխավոր լուսանկարը, թե՛ ետնանկարը։ Էջի գլխավոր լուսանկարը նոյեմբերի 15-ին էր ներբեռնվել էջ՝ այն բանից հետո, երբ ավելի վաղ հրապարակված կարճ տեսանյութից պարզ էր դարձել, որ Փաշինյանը սափրել է դեռ 2018-ի փողոցային պայքարի օրերից պահած մորուքը։
Մինչ այս վարչապետի էջի գլխավոր լուսանկարը ևս 2018-ի շարժման օրերից էր։ Փաստորեն՝ ավելի քան 6 տարի այն չէր թարմացվել։
Ետնանկարում ևս մինչ այս արտացոլված էր հեղափոխական թեմատիկան․ լուսանկարն արվել էր 2018-ին Գյումրիից սկսված քայլարշավի օրերին։
Այսօրվա փոփոխություններից հետո հիմա ֆոնում Արագած լեռն է, Հայաստանի Հանրապետության քարտեզը և Փաշինյանի կողմից վերջին շրջանում հաճախ գործածվող «Այստեղ պետություն, այստեղ հաց, այստեղ հայրենիք, այստեղ կա՛ց» կարգախոսը։
Վանիկ Հակոբյան
