19.11.2024 | 17:20
Աբխազիայի խորհրդարանն ընդունել է նախագահ Ասլան Բժանիայի հրաժարականը
Անհեթեթություն է, թե պատվաստվելն ազդում է վերարտադրողական ֆունկցիաների վրա. Լուսինե Բադալյան․ ՏԵՍԱՆՅՈւԹ
24.09.2021 | 20:30
«Շատ ցավալի է այն փաստը, որ Հայաստանի Հանրապետությունը պատվաստումների թվով վերջին տեղերում է գտնվում թե՛ աշխարհում, թե՛ տարածաշրջանում, որովհետև դա ունենում է հետևանքներ: Այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Լուսինե Բադալյանը:
Պատգամավորի խոսքով՝ բացի վարակի տարածումից, նաև տնտեսական հետևանքներ է ունենում պատվաստումների քիչ քանակ ունենալը: «Կարծում եմ հանրության անվստահության պատճառը ոչ թե առողջապահության նախարարության ոչ ճիշտ քարոզչությունն է, այլ հակաքարոզչությունը, որը նախորդեց պատվաստման գործընթացին»,- նշեց Բադալյանը:
Նրա դիտարկմամբ՝ անհեթեթություն է այն տեսակետը, թե պատվաստվելն ազդում է վերարտադրողական ֆունկցիաների վրա. «Մարդիկ խոսում են այն մասին, որ ապացուցված չէ, թե պատվաստանյութն ինչ ներգործություն կունենա մարդկային առողջության վրա, բայց միևնույն ժամանակ պնդում են, որ այն կարող է վերարտադրողական ֆունկցաներիի խաթարման պատճառ դառնալ: Սա մտացածին է»:
Պատգամավորի խոսքով՝ այն պատվաստանյութերը, որոնք գրանցվել են ԱՀԿ-ի կողմից, որոշակի չափով փորձաշրջան են անցել և նույնիսկ կողմնակի ազդեցությունները, որոնց մասին նշված է, պարտադիր չէ, որ բոլոր պատվաստվողների դեպքում դրսևորվեն:
Մանրամասները՝ տեսանյութում:
