09.06.2026 | 14:50
Մանդատ վերցնելու հարցը կորոշենք ՍԴ դիմելուց հետո՝ խորհրդակցելով շեմը անցած ուժերի հետ․ Սաղաթելյան․ ՏԵՍԱՆՅՈՒԹ
Վճռաբեկ դատարանի դատավորի ընտրության կարգը երբեմն քննադատվում է․ Վճռաբեկի անդամի թեկնածու. ՏԵՍԱՆՅՈՒԹ
Հասարակություն
14.09.2021 | 12:08
Ազգային ժողովը քննարկում է ՀՀ Վճռաբեկ դատարանի դատավորի թեկնածուի ընտրության հարցը: Առաջադրված երեք թեկնածուներից մեկը Հրաչ Այվազյանն է: Նա իր ելույթում անդրադարձավ ՀՀ Վճռաբեկ դատարանի դատավորի ընտրության կարգին:
«Վճռաբեկ դատարանի դատավորների ընտրության նախատեսված ձևաչափը երբեմն քննադատվում է՝ թիրախավորելով այն, որ նշանակման այս մեթոդները քաղաքականացման և իշխանական մյուս թևերից կախվածության վտանգ են պարունակում, սակայն ընտրության իրավասության այս ձևաչափը խորհրդարանին վերապահելը ընդգծում է խորհրդարանական կառավարման ժողովրդավարական ձևն ու նշանակությունը:
Մասնավորապես քվեարկությամբ հավանական թեկնածուի ընտրությունը ժողովրդավարության և օրինականության ինստիտուտային լրացուցիչ քվեով հավելյալ վստահություն է հաղորդում՝ ամրապնդելով դատական իշխանության նշանակությունը»,- ասաց Այվազյանը:
Այվազյանի խոսքով՝ դատական իշխանության դերի և նշանակության պատշաճ որակի հասնելու անհրաժեշտությամբ պայմանավորված՝ պետք է վերանայել դատարաններում առկա ծանրաբեռնվածության թեթևացմանն ուղղված միջոցառումների իրականացումը և ապահովել անհրաժեշտ լուծումների շարունակական արդիականացումը:
Մանրամասները՝ տեսանյութում:
