05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Մարտի 1-ը կօգտագործեն Ռոբերտ Քոչարյանի և Սեյրան Օհանյանի դեմ. Ալբերտ Բաղդասարյան. ՏԵՍԱՆՅՈՒԹ
Քաղաքականություն
16.03.2018 | 20:05
«Հանուն Հայաստան պետության» ճակատը Հաց բերողի մահվան տարելիցին նվիրված երթ էր կազմակերպել այսօր Ազատության հրապարակում: Երթի մասնակից Գերագույն խորհրդի պատգամավոր Ալբերտ Բաղդասարյանն իր ելույթում նշեց, որ Արթուրը «Սասնա ծռերից» մեկը չէր, սովորական քաղաքացի էր, բայց, երբ տեսավ, որ կա անարդարություն, որոշեց այդ անարդարությունը վերականգնել՝ իր կյանքը վտանգելով: «Նա յուրաքանչյուրիս մեջ տաքացրեց մարդկային գիծը»,- ասաց նա:
Խոսելով իշխանափոխության անհրաժեշտության մասին՝ Բաղդասարյանը նշեց, որ այս իշխանությունները հակաազգային են իրենց վարած քաղաքականությամբ, և, հետևաբար, պետք է հեռանան. «Հայաստանի իշխանությունների վարած քաղաքականության հետևանքով Հայաստանում ապրելը դարձել է հերոսություն՝ Հաց բերողի հերոսության նման»,- ասաց ԳԽ պատգամավորը՝ նշելով, որ Հայաստանում տիրող գաղութային համակարգը 300 մարդ է պաշտպանում ընդամենը, որոնց հեռացնել է հարկավոր, հակառակ պարագայում, օրինակ, «Մարտի 1»-ը կօգտագործեն Ռոբերտ Քոչարյանի և Սեյրան Օհանյանի դեմ, բայց այդպես էլ իրական մեղավորներին չեն բացահայտի:
Առավել մանրամասն՝ տեսանյութում
