07.10.2026 | 13:54
Միրզոյանի նախագահությամբ տեղի է ունեցել ՅՈՒՆԵՍԿՕ-ի Հայաստանի ազգային հանձնաժողովի նիստը
20 և 28 տարեկան կորոնավիրուսով հիվանդներ կան, որոնք միացված են արհեստական շնչառության ապարատին. Ավանեսյան․ ՏԵՍԱՆՅՈՒԹ
24.08.2021 | 16:35
Հայաստանում կորոնավիրոսով հիվանդացության թվերն օրեցօր աճում են, այս օրերին հիվանդանոցային հավելյալ մահճակալների ծավալման փուլում ենք գտնվում։ Ցավոք, դելտա շտամով վարակման պարագայում հիվանդության երիտասարդացում ենք նկատում և հիվանդության ընթացքի կտրուկ վատթարացում։ Այս մասին Ազգային ժողովում տեղի ունեցած ճեպազրույցի ժամանակ ասաց ՀՀ առողջապահության նախարար Անահիտ Ավանեսյանը։ Նախարարը նշեց, որ այս պարագայում սպասվում է հիվանդության ավելի երկար ընթացք և առկա մահճակալային ֆոնդը չի բավարարի այն հաղթահարելու։
«Այս պահին 1000-ից ավելի պացիենտներ ունենք, որոնք օգտվում են հիվանդանոցային բուժօգնությունից»,- ասաց նախարարը։
Նա նշեց, որ 20 և 28 տարեկան երկու հիվանդ կա, որոնք որևէ ուղեկցող հիավանդություն չունեն, բայց այս պահին էլ նրանց միացված է արհեստական շնչառական սարք:
Հիվանդության զարգացման պատկերը շատ ավելի կտրուկ է: Հիվանդության բուժման առումով շեշտակի փոփոխություններ չկան, և ամենագործուն միջոցը մնում է դրա կանխարգելումը»,- ասաց նախարարը:
Ավանեսյանը կարևորեց, որ մինչ ուսումնական տարվա մեկնարկը հնարավորինս մեծ թվով ուսուցիչներ, պրոֆեսորադասախոսական անձնակազմ պատվաստվեն, ինչը կկանխի հիվանդության տարածումը:
Մանրամասները՝ տեսանյութում:
