20.05.2026 | 22:00
Փաշինյանը որ այդ քարտեզը բաժանում է, անգամ այդտեղից են տարածքներ զիջել․ երկիրը կործանման են տարել. Մանուկ Սուքիասյան. ՏԵՍԱՆՅՈՒԹ
Ադրբեջանը մտադիր է դատական գործընթացներ սկսել օտարերկրյա ընկերությունների դեմ
Քաղաքականություն
17.08.2021 | 18:45
Ադրբեջանը սկսել է դատական գործընթացների պատրաստումը օտարերկրյա ընկերություններից փոխհատուցման պահանջով՝ Արցախում «ոսկու հանքավայրերի անօրինական շահագործման» համար։ Այս մասին հայտարարել է Ադրբեջանի նախագահ Իլհամ Ալիևը Արցախի գրավյալ Քարվաճառի ու Քաշաթաղի շրջաններ այցի ընթացքում։
«Այդ գործընթացն արդեն սկսվել է։ Մենք հրավիրել ենք հայտնի միջազգային իրավաբանական ընկերությունների, այժմ նրանք պատրաստում են դատական հայցերը։ Օտարերկրյա ընկերությունները, որոնք շահագործել են մեր ոսկու հանքերը՝ Սոյուդլուն՝ Քելբաջարում (Սոթքը՝ Քարվաճառում), Վեջանլին՝ Զանգիլանում (Վեջանլի Կովսականում), ինչպես նաև՝ այլ տեղերում։
Այդ ընկերությունները չգիտեի՞ն, որ սա ադրբեջանական հող է։ Նրանք գիտեին,սակայն անտեսել են դա։ Հիմա նրանք պատասխան կտան»,- ասել է Ալիևը։
Նա նաև նշել է, որ օտարերկրյա ընկերություններին տեղեկացրել են այն մասին, որ «եթե չեն ցանկանում համաշխարհային մակարդակով խայտառակվել, ապա կարող են գալ ու փոխհատուցել ոսկու հանքավայրերի անօրինանական շահագործման համար ու հետո միայն հանգիստ շարունակել իրենց գործունեությունը։
Էմմա Չոբանյան
