12.10.2026 | 22:45
ԵՄ-ն Հայաստանին օգնել է հակազդել օտարերկրյա միջամտությանը․ Կալլաս
Ապագա վարչապետի ընդլայնված լիազորությունները հիմք են նոր մարտիմեկերի. իրավապաշտպաններ. ՏԵՍԱՆՅՈՒԹ
Քաղաքականություն
13.03.2018 | 20:40
Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը համոզված է՝ Հայաստանի ապագա վարչապետի պաշտոը զբաղեցնելու է գործող նախագահ Սերժ Սարգսյանը: Factor.am-ի հարցին ի պատասխան՝ իրավապաշտպանն ասում է՝ այն բոլոր օրինագծերը, որոնք ընդունվեցին, փաստում են՝ հսկայական լիազորություններով օժտված վարչապետի պաշտոնը նախատեսված է հենց Սերժ Սարգսյանի համար:
Ազգագրագետ Հրանուշ Խառատյանը, մինչդեռ, տեսականորեն չի բացառում, որ վարչապետի պաշտոնն այլ անձ զբաղեցնի: Տիկին Խառատյանն այդպես մտածելու իր պատճառներն ունի:
Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը ևս կասկածներ չունի, որ ապագա վարչապետը լինելու է հենց Սերժ Սարգսյանը, Սահմանադրությունն էլ, ինչպես ինքն է ձևակերպում, Սերժ Սարգսյանի համար է կարված, սակայն եթե անգամ Հանրապետականից որևէ այլ անձ դառնա վարչապետ, միևնույն է համակարգն արատավոր է մնալու:
Ազգային ժողովի կողմից օրեր առաջ ընդունված «Պետական կառավարման համակարգի մարմինների մասին» օրինագծով՝ ապրիլից հետո ազգային անվտանգության ծառայությունը, ոստիկանությունը, պետական պահպանության ծառայությունն ու պետական վերահսկողական ծառայությունն անցնելու են վարչապետի անմիջական վերահսկողության ներքո: Վարչապետին տրված հսկայական լիազորություններից իրավապաշտպաններն առաջին հերթին հենց սա են առանձնացնում:
Ավետիք Իշխանյանը նկատում է՝ Սահմանադրությամբ ամրագրված դրույթը, որ Ազգային ժողովը վերահսկողություն է իրականացնելու գործադիր իշխանության նկատմամբ, չի գործելու, որովհետև վերը թվարկված չորս կառույցները լինելու են վարչապետի վերահսկողության ներքո:
Հավելենք, որ վերջերս խորհրդարանը բացի այս օրինագծից մի շարք այլ օրինագծեր ընդունեց, որոնք էականորեն բարձրացնում են ապագահ վարչապետի լիազորությունները:
Մանրամասները՝ տեսանյութում:
