02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ալիևը հայտարարել է, որ ականապատ տարածքների քարտեզների ճշգրտությունը կազմում է 25%
Քաղաքականություն
15.08.2021 | 10:11
Ադրբեջանի նախագահ Իլհամ Ալիևը հայտարարել է, որ Հայաստանի կողմից փոխանցված ականապատ տարածքների քարտեզների ճշգրտությունը Ղարաբաղում կազմում է ընդամենը 25 տոկոս:
«Հայաստանը մեզ ականային քարտեզներ չի փոխանցում, իսկ վերջերս փոխանցված քարտեզների ճշգրտությունը կազմում է ընդամենը 25 տոկոս»,- ՏԱՍՍ-ի փոխանցմամբ՝ ասել է Ադրբեջանի ղեկավարը շաբաթ օրը թուրքական CNN Turk հեռուստաալիքին տված հարցազրույցում:
Նրա խոսքով ՝ Ղարաբաղում ականի պայթյունից ավելի քան 150 ադրբեջանցի քաղաքացիական անձինք և զինծառայողներ են զոհվել:
«Մենք չենք կարող վտանգել մարդկանց կյանքը։ Այդ պատճառով ազատագրված տարածքներում այժմ ականազերծում է ընթանում, միևնույն ժամանակ, արագացված տեմպերով ենթակառուցվածքային աշխատանքներ են ընթանում»,- նշել է Ալիևը։
Հիշեցնենք, որ Հայաստանը հունիսին և հուլիսին Ադրբեջանին է փոխանցել Աղդամի, Ֆիզուլիի և Զանգելանի շրջաններում ականապատ դաշտերի քարտեզները։ Ի պատասխան՝ Բաքուն Երևանին է վերադարձրել 30 հայ գերիների։
