15.02.2026 | 17:00
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
Սպիտակ տունը նոր համավարակային կանոններ է սահմանել չպատվաստված պետական ծառայողների համար
Քաղաքականություն
30.07.2021 | 14:50
ԱՄՆ նախագահ Ջո Բայդենը հայտարարել է, որ պետական ծառայողները պետք է հաստատեն կորոնավիրուսի դեմ պատվաստման կարգավիճակը կամ ենթարկվեն անվտանգության խիստ կանոնների, հաղորդում է ամերիկյան CNBC-ն։
Բայդենը նաև խոսել է մի շարք քայլերից, որոնք կստիպեն ավելի շատ մարդկանց պատվաստվել։ Սպիտակ տան ղեկավարը կոչ է արել նաև նահանգային ու տեղական կառավարություններին 100 դոլար վճարել յուրաքանչյուր պատվաստվողի։
«Սա ամերիկյան ողբերգություն է, մարդիկ մահանում են, և կմահանան նրանք, ովքեր չպետք է մահանան։ Սա կարմիր ու կապույտ նահանգների մասին չէ, սա կյանքի ու մահվան մասին է։ Ազատությունը նաև պատասխանտվություն է։ Չպատվաստվելու ձեր որոշումն ազդում է ուրիշների վրա»,- ասել է Բայդենը։
Նշվում է, որ սահմանվել են նոր կանոններ, ըստ որոնց՝ կառավարությունը պահանջում է, որ յուրաքանչյուր աշխատակից հաստատի իր պատվաստման կարգավիճակը՝ Սպիտակ տան տեղեկագրի համաձայն։ Նրանք, որոնք չեն անի դա, պետք է աշխատանքի վայրում դիմակ կրեն՝ անկախ գտնվելու վայրից և պարտադիր COVID թեստ հանձնեն շաբաթը մեկ կամ երկու անգամ։ Նրանք պետք է նաև ֆիզիկական հեռավորություն պահպանեն մնացյալ աշխատողներից և այցելուներից։
Էմմա Չոբանյան
