12.10.2026 | 22:45
ԵՄ-ն Հայաստանին օգնել է հակազդել օտարերկրյա միջամտությանը․ Կալլաս
Ինչո՞ւ է Լևոն Ալթունյանին անհրաժեշտ 7 խորհրդական, եթե որոշումներն ընդունվում են՝ առանց ռիսկերը հաշվի առնելու (ՏԵՍԱՆՅՈՒԹ)
Տեսանյութեր
07.03.2018 | 19:33
Պոլիկլինիկաներում, հիվանդանոցներում հերթեր են, քաղաքացիները դժգոհում են, որ դեղ գնելու համար ստիպված են երկար և ֆինանսապես վնասաբեր ճանապարհ անցնել՝ դեղատոմսերով դեղ ձեռք բերելու վերաբերյալ Առողջապահության նախարարության սահմանած կարգի պատճառով:
Միաժամանակ, նախարարությունն ինքն ընդունում է, որ որոշումը ժամանակավրեպ է, ինչն առիթ հանդիսացավ որոշ դեղերի մասով մարտի 1-ի սահմանափակումները հոկտեմբերի 1 տեղափոխելուն:
Այստեղ անհանգստացնողն Առողջապահության նախարարություն-հասարակություն կապի բացակայությունն է: Ի սկզբանե կայացնում են որոշում, որ բոլորը՝ հանրությունը, մասնագետները, ոչ կառավարական շրջանակները գիտեն՝ դժգոհությունների առիթ է հանդիսանալու, իսկ հետո արդեն սկսում սրբագրել այն:
Բացի այդ, որոշումը կիրառվում է ապօրինի կերպով՝ սկզբում մտնում է գործածության մեջ, հետո նոր կայացվում այն:
Ինչո՞ւ են հապճեպ որոշում կայացրել, ինչո՞ւ են որոշումը կայացրել այն ուժի մեջ մտնելուց հետո, ինչո՞ւ ժամանակին իրազեկում չեն արել հանրության և համակարգի աշխատողների շրջանում, ինչո՞ւ չեն ապահովել հիվանդանոցներին համապատասխան փաստաթղթերով, ինչո՞ւ հարցը չեն դրել հանրային քննարկման և վերջապես՝ ինչո՞ւ է առողջապահության նախարարը 7 խորհրդական պահում, եթե այդ խորհուրդների արդյունքում ընդունվում են նման որոշումներ, որոնք օրեր անց արդեն փոփոխվում են:
Թեմայի մասին մանրամասն՝ տեսանյութում:
Սևակ Հակոբյան
