18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թուրքիայում ՌԴ-ին կոչ են արել համակերպվել Անկարայի կողմից Կիևին զենքի մատակարարումների հետ
Քաղաքականություն
27.07.2021 | 13:53
Թուրքիայի և Ուկրաինայի բանակցությունները զենքի մատակարարումների շուրջ չպետք է ազդեն Ռուսաստանի հետ հարաբերությունների վրա։ Այս մասին հայտարարել է թուրքական Մալթեփե համալսարանի պրոֆեսոր Հասան Ունալը Lenta-ի հետ զրույցում։
«Արևմտյան երկրները, ԱՄՆ-ն և մյուսները Ուկրաինային ուղղելու են Ռուսաստանի դեմ։ Իսկ մեզ պետք չէ Ուկրաինային սադրել, մենք ձգտում ենք լավ հարաբերություններ պահպանել»,- ասել է նա:
Թուրք պրոֆեսորը Մոսկվային կոչ է արել համակերպվել Անկարայի՝ Կիևի հետ կապերը հետագայում է՛լ ավելի զարգացնելու մտադրությունների հետ, քանի որ մի քանի տասնյակ թուրքական անօդաչու թռչող սարքերով Ուկրաինային չի հաջողվի գերազանցել Ռուսաստանին ռազմական հզորության տեսակետից։
Ունալի կարծիքով՝ Ռուսաստանի և Ուկրաինայի հետ լավ հարաբերությունները Թուրքիային հնարավորություն կտան միջնորդ լինել երկու երկրների միջև։
«Կիևի հետ մեր հարաբերությունները Ռուսաստանի համար վտանգ չեն ներկայացնում, Մոսկվան չպետք է դա այդ լույսի ներքո տեսնի»,- եզրափակել է թուրք պրոֆեսորը։
Էմմա Չոբանյան
