07.10.2026 | 23:48
Արթուր Դանիելյանը կալանավորվեց
Ոստիկանությունը կրկին զննում է մեքենաները․ ԼՈւՍԱՆԿԱՐՆԵՐ, ՏԵՍԱՆՅՈւԹ
Հասարակություն
23.07.2021 | 19:45
Ոստիկանությունը կրկին անցել է ուժեղացված ծառայության։
Factor.am-ի տեսախցիկը ֆիքսել է, որ այս անգամ խիստ ստուգումներ են Արմավիրի մարզում, մասնավորապես՝ Վաղարշապատ և մարզի մյուս քաղաքներ տանող ճանապարհին՝ Զվարթնոց տաճարի մոտ։
Ոստիկանները կանգնեցնում են մեքենաներն ու մանրակրկիտ ստուգում դրանք։
Հիշեցնենք, որ ինչպես Factor.am-ն արդեն տեղեկացրել էր, օրեր առաջ Ոստիկանությունն իրականացնում էր ուժեղացված ծառայություն մայրաքաղաք Երևանում և քաղաքի մուտքերի մոտ։ Քաղաքացիների մոտ դա խուճապ էր առաջացրել։
Ըստ պաշտոնական տեղեկատվության՝ ոստիկաններն այդ օրերին զենք-զինամթերք էին հայտնաբերել։
Factor.am-ը Ոստիկանությունից փորձեց պարզել, թե որն էր այսօրվա ուժեղացված ծառայության պատճառը։ Մեզ հետ զրույցում Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանն ասաց, որ նախորդ անգամ ուժեղացված ծառայությունն իրականացվում էր մայրաքաղաքում, այս անգամ՝ Արմավիրի մարզում։ Ըստ ամենայնի՝ նույն ստուգումները կշարունակվեն նաև ՀՀ մյուս մարզերում։
