19.12.2025 | 10:21
Հրշեջ-փրկարարները կանխել են ավտոմեքենայի ամբողջական այրումը
ՌԴ-ն մտահոգությամբ է ընդունում հայ-ադրբեջանական սահմանին լարվածության դրսևորումները․ Զախարովա․ ՏԵՍԱՆՅՈւԹ
Քաղաքականություն
22.07.2021 | 20:51
Զախարովան հայտարարել է, որ Ռուսաստանը մտահոգված է հայ-ադրեջանական սահմանային լարվածությամբ
Ռուսաստանը մտահոգված է Ադրբեջանի ու Հայաստանի լարվածության սրման ցանկացած դրսևորմամբ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում։ Հաղորդում է ՏԱՍՍ գործակալությունը։
«Իհարկե, մենք մտահոգությամբ ենք ընկալում հայ-ադրբեջանական սահմանի առանձին հատվածներում էսկալացիայի սրման ցանկացած դրևորումներ։ Եվ իհարկե, այն բացասաբար է անդրադառնում տարածաշրջանային իրավիճակի վրա ու չի նպաստում Ադրբեջանի ու Հայաստանի միջև երկխոսության կարգավորմամը՝ հանգեցնելով երկու երկրների բնակչության շրջանում անհիմն կորուստների»,- ասել է Զախարովան։
Նա նաև ցավակցություն է հայտնել հայ զինծառայողի զոհվելու կապակցությամբ ու շուտափույթ ապաքինում մաղթել հակամարտության ընթացքում բոլոր տուժածներին։
Ըստ ՌԴ ԱԳՆ ներկայացուցչի՝ Հայաստանի ու Ադրբեջանի միջև սահմանի դելիմիտացիայի աշխատանքների մեկնարկը կարող է կարող է բերել դեէսկալացիայի։ Ռուսաստանն էլ պատրաստ է աջակցել ջանքերին համապատասխան քարտեզագրական տեղեկատվությամբ:
«Մենք համոզված ենք, որ կայուն դեէսկալացիա կարելի է ապահովել միայն Հայաստանի ու Ադրբեջանի միջև սահմանի դելիմիտացիայի ու դրա հետևող դեմարկացիայի աշխատանքների մեկնարկը։ Մենք պատրաստ ենք այդ ջանքերը ապրապնդել մեր եղած քարտեզագրական տեղեկատվությամբ։ Ռուսական կողմը պատրաստել է մի շարք փաստաթղթեր, որոնք կարող են քննարկումները կառուցողական հուն տանել։ Ներկայում այդ թեմայով շփումները շարունակվում են արտաքին քաղաքական, պաշտպանական գերատեսչությունների, ինչպես նաև երեք երկրների սահմանապահ ուժերի միջոցով»,- ասել է Զախարովան։
Նա նաև ընդգծել է, որ Ադրբեջանի, Հայաստանի, ու ՌԴ փոխվարչապետների եռակողմ աշխատանքային խումբն էլ բովանդակալից բանակցությունների մի քանի փուլ։
«Հուսով ենք մոտ ժամանակում նիստերը կվերակագնվեն և մեր տեսակետից այն հնարավորություն կտա անցնել համատեղ ենթակառուցվածքային ծրագրերի փուլային իրականացմանը, իսկ այն լիովին համապատասխանում է Հայաստանի, Ադրբեջանի ու ամբողջ Հարավային Կովկասի շահերին»,- ասել է Մարիա Զախարովան։
