11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
51 600 եվրո. դատավարական սխալները շարունակում են քամել բյուջեն. ՏԵՍԱՆՅՈՒԹ
Տնտեսություն
06.03.2018 | 17:30
Հայաստանի հարկատուները հերթական անգամ դժգոհելու առիթ ունեն. կառավարությունն այս անգամ 50 հազար եվրոյից ավելի գումար է դուրս գրում՝ իրավական համակարգի սխալների համար:
Գործադիրը մարտի 6-ի նիստի օրակարգային 2 հարցով 5 հոգու է փոխհատուցում՝ երկու վճռով, որոնցից մեկը՝ խմբակային: Սա կարելի է համարել խոշոր հատուցում. 5 փոխհատուցում՝ մեկ նիստում:
Մի դեպքում Հայաստանի անունը միջազգային դատարանում շոշափվում է հասարակ, փոքրիկ կրպակի սեփականատիրոջ դեմ պետական արշավանքի, մյուս դեպքում՝ «Եհովայի վկա» կրոնական կազմակերպության հետևորդներին այլընտրանքային ծառայությամբ ապահովելու փոխարեն ազատազրկելու համար: Եվ եթե որոշները սա համարում են պետության հեղինակազրկում, ոլորտի պատասխանատու նախարարը համարում է քաղաքացիական ինքնագիտակցության և իրավական համակարգի կայացում:
Միայն թե միշտ նույն սխալի կրկնությունը ոչ թե զարգացման մասին է խոսում, այլ՝ դեգրադացիայի:
Այս ամենից, սակայն, առավել շատ տուժում է պետական բյուջեն, որը մանր ու մեծ դուրսգրումների արդյունքում քամվում է:
2018 թվականը նոր մեկնարկած՝ արդեն Եվրադատարանը մի քանի վճիռ է կայացրել Հայաստանի դեմ՝ ընդհանուր 73 հազար 165 եվրոյի փոխհատուցման պահանջով:
Թեմայի վերաբերյալ առավել մանրամասն՝ տեսանյութում:
Սևակ Հակոբյան
