13.06.2026 | 14:16
NYMEX․ Ոսկու գինն աճել է
Մի՛ ասեք, որ կառավարության նիստերի դռնփակ լինելը ժողովրդավարության համար է. Մանե Թանդիլյանը՝ Դավիթ Հարությունյանին. ՏԵՍԱՆՅՈՒԹ
Քաղաքականություն
06.03.2018 | 14:52
Ազգային ժողովում առաջին ընթերցմամբ քննարկվում է «Պետական կառավարման համակարգի մարմինների մասին» օրենքի նախագիծը։
Հիմնական զեկուցող ՀՀ արդարադատության նախարար Դավիթ Հարությունյանից ԱԺ «Ելք» խմբակցության պատգամավոր Մանե Թանդիլյանը հետաքրքրվեց՝ ի՞նչ հիմնավորմամբ են որոշել, որ Կառավարության նիստերը պետք է դռնփակ անցկացվեն։
«Ի սեր Աստծո, մի՛ ասեք, թե դա ժողովրդավարության կամ բանավեճ ապահովելու համար է։ Նույն տրամաբանությամբ Ազգային ժողովի նիստերը կարող ենք փակել», – նշեց պատգամավորը:
Դավիթ Հարությունյանը պարզաբանեց՝ էական տարբերություն կա օրենսդիր և գործադիր իշխանությունների միջև: «Օրենսդիր մարմինը երբեք չի գործում կոլեկտիվ պատասխանատվության սկզբունքով։ Դրանով է պայմանավորված դռնփակ նիստեր անցկնելու որոշումը։ Գործադիր իշխանությունում դա ժողովրդավարական տարր է», – շարունակեց նախարարը:
Մանրամասները՝ տեսանյութում:
