26.04.2026 | 13:50
Պլանային ջրանջատում Սյունիքում
ԱՄՆ-ը անհանգստացած է Երասխում գրանցված միջադեպերի կապակցությամբ
Քաղաքականություն
20.07.2021 | 18:24
Հայաստանում ԱՄՆ դեսպանատունը հայտարարություն է տարածել հայ-ադրբեջանական սահմանին վերջին սրացման վերաբերյալ՝ կողմերին կոչ անելով ապաէսկալացնել լարվածությունը։
Դեսպանության ֆեյսբուքյան էջում տարածված հայտարարության մեջ, մասնավորապես, ասվում է․
«ԱՄՆ դեսպանությունն անհանգստացած է Հայաստանի և Ադրբեջանի սահմանի երկայնքով, մասնավորապես՝ Երասխ/Սադարակի մերձակայքում գրանցված միջադեպերի կապակցությամբ: Մենք կոչ ենք անում կողմերին՝ արագ և խաղաղորեն ապաէսկալացնել լարվածությունը և տարածք ստեղծել բովանդակային բանակցությունները վերսկսելու համար»,- ասված է ԱՄՆ դեսպանատան տարածած հայտարարության մեջ:
Հիշեցնենք՝ հուլիսի 19-ին ադրբեջանական զինված ուժերը մի քանի ժամ շարունակ տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը: Պարբերաբար կիրառվել են նաև ականանետներ։
Հակառակորդի արձակած կրակոցից ուսի հատվածում վնասվածք է ստացել Երասխ համայնքի ղեկավար Ռադիկ Օղիկյանը:
Տաթև Ֆռանգյան
