15.10.2026 | 16:19
Ռումինիայի ափերի մոտ լցանավի վրա բռնկված հրդեհից հետո 8 նավաստի անհետ կորել է
ԼՂՀ բարեգործական հիմնադրամին փոխանցումները գրեթե դադարել են
08.06.2017 | 18:18
ԼՂՀ բարեգործական հիմնադրամին փոխանցումները գնալով նվազում են․ այս տարվա մայիսի 31-ի դրությամբ ֆոնդի գումարը կազմում է 11 միլիոն 650 հազար ԱՄՆ դոլար։
Հիշեցնենք, որ 2016 թվականի ապրիլյան քառօրյա պատերազմից հետո ԼՂՀ կառավարության կողմից ստեղծվեց այս հիմնադրամը, որին փոխանցված միջոցներով իրագործվեցին առաջնագծի ամրապնդմանն ուղղված աշխատանքներ։ Ավելի քան մեկ տարվա մեջ հիմնադրամին փոխանցումներ են կատարվել տարբեր արժույթներով․ 2 միլիարդ 520 միլիոն 121 հազար ՀՀ դրամ, 5 միլիոն 149 հազար 913 ԱՄՆ դոլար, 180 հազար 429 եվրո և 63 միլիոն 212 հազար 312 ռուսական ռուբլի (մայիսի 31-ի դրությամբ):
Նկատենք, որ 2016 թվականի նոյեմբերի 28-ի դրությամբ ֆոնդում առկա գումարը կազմել է 11 միլիոն 475 հազար ԱՄՆ դոլար։ Ստացվում է՝ ավելի քան վեց ամիս անց փոխանցումների աճը կազմել է ընդամենը 1,5 տոկոս։ Իսկ նոյեմբերի 28-ի դրությամբ փոխանցումները թվային ցուցանշներով նման տեսք ունեին՝ 2 միլիարդ 516 միլիոն 770.500 ՀՀ դրամ, 5 միլիոն 32 հազար 582 ԱՄՆ դոլար, 180 հազար 496 եվրո և 62 միլիոն 496 հազար 224 ռուսական ռուբլի:
Սեդա Ղուկասյան
