18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Տիգրան Մուկուչյանը՝ Գորիսի քաղաքապետին անձեռնմխելիությունից զրկելու միջնորդության մասին
Հասարակություն
14.07.2021 | 14:29
«Դեռ ինձ չեն տեղեկացրել, որ Առուշ Առուշանյանի հետ կապված միջնորդություն կա: Առավոտից ԿԸՀ-ում չեմ եղել»,- լրագրողների հետ զրույցում այս մասին ասաց ԿԸՀ նախագահ Տիգրան Մուկուչյանը՝ անդրադառնալով դիտարկմանը, որ ԿԸՀ է ներկայացվել Գորիս համայնքի ղեկավար, «Հայաստան» դաշինքից պատգամավորության թեկնածու Առուշ Առուշանյանին անձեռնմխելիությունից զրկելու համար:
«Ցանկացած դիմում կամ միջնորդություն, որ ներկայացվում է, սահմանված կարգով քննարկվում է։ Եթե կա, բնական է՝ ԿԸՀ-ի կողմից դա քննարկման առարկա կդառնա։ Ժամկետների պահանջ օրենսդրորեն ամրագրված չէ, բայց եթե ողջամիտ ժամկետներում կլինի։ Քանի որ ԿԸՀ-ն ներկայացված է ՍԴ նիստերին, վարույթն այնպես կկազմակերպվի, որ դրանով չխոչընդոտվի մեր մասնակցությունը նիստին»,-ասաց Տիգրան Մուկուչյանը։
Անդրադառնալով ԿԸՀ-ի վերաբերյալ արտահայտված քաղաքական գնահատականներին, Տիգրան Մուկուչյանն ընդգծեց, որ ԿԸՀ-ն երբևէ որևէ իշխանության չի ծառայել. «ԿԸՀ-ն բացառապես առաջնորդվել է ԸՕ պահանջներով»:
Մանրամասները՝ տեսանյութում:
