18.12.2025 | 15:28
Պատրաստ եմ ընդունել իր արժանապատիվ հեռացումը ապահովելու օրակարգով․ Փաշինյանը՝ Գարեգին Բ-ի մասին․ ՏԵՍԱՆՅՈՒԹ
Կրակոց Քանաքեռի գերեզմանների մոտ, պատանի է վիրավորվել. Քանաքեռ-Զեյթունի ոստիկանների բացահայտումը. ՏԵՍԱՆՅՈՒԹ
Հասարակություն
13.07.2021 | 15:42
Հուլիսի լույս 9-ի գիշերը, ժամը 1.40-ին, ոստիկանության Քանաքեռ-Զեյթունի բաժին հաղորդումներ են ստացվել, որ հրազենային վիրավորումով նախ «Քանաքեռ-Զեյթուն», որտեղից էլ «Սուրբ Աստվածամայր» բժշկական կենտրոն է տեղափոխվել Զաքարիա Քանաքեռցու փողոցում բնակվող մի պատանի։
Ոստիկանության տարածած հաղորդագրության համաձայն՝ հիվանդանոցներ մեկնած օպերատիվ խմբերը նախ պարզել են, որ 16-ամյա տղան վնասվածքը ստացել էր Քանաքեռի գերեզմանատան մոտ։ Պատանին իրավապահներին հայտնել են նաև, որ չի ճանաչում իրեն վնասվածք պատճառողին։
Քանաքեռ-Զեյթունի քրեական հետախույզները, համագործակցելով Երևան քաղաքի վարչության գործընկերների հետ, պարզել են կրակոցն արձակած անձի ինքնությունը՝ մայրաքաղաքի Լեփսիուսի փողոցում բնակվող 29-ամյա երիտասարդ էր։
Բացատրական աշխատանքն արդյունք է տվել։ Կասկածվողը ոչ միայն գնացել է Քանաքեռ-Զեյթունի բաժին, այլև ներկայացրել կարճեցված փողերով ապօրինի հրացանը։ Նա հայտնել է նաև, որ պատահաբար է կրակել։ Տեղեկությունն իրական է, թե՝ ոչ, կպարզվի քննությամբ։
Հրազենը փաթեթավորվել և ուղարկվել է փորձաքննության։ Հանգամանքները պարզվում են։
