18.12.2025 | 23:24
ՀՀ տարածքում ավտոճանապարհները հիմնականում անցանելի են
Ասֆալտին պառկեցնելն իրական կյանքում տեղի է ունենում. Վարդևանյանը՝ դատախազության ներկայացուցչին․ ՏԵՍԱՆՅՈՒԹ
Հասարակություն
12.07.2021 | 18:00
Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու գործով դատաքննության ընթացքում «Հայաստան» դաշինքի ներկայացուցիչ Արամ Վարդևանյանն անդրադարձավ «Զանգեզուրի պղնձամոլիբդենային կոմբինատ»- ի հետ կապված դեպքին:
Վարդևանյանը, դիմելով դատախազ Սևակ Հովհաննիսյանին, մեջբերեց Նիկոլ Փաշինյանի հայտարարությունից մի հատված՝ այն դիտարկելով որպես ատելության խոսք, սպառնալիք «Ես զգուշացրել էի, որ աշխատողների նկատմամբ չփորձեք քաղաքական ներգործություն ցուցաբերել, դուք կարմիր գիծն անցել եք, ինչը նշանակում է, որ կապույտ չագուճն առաջինը ձեր գլխին է ջարդվելու, ինչ հայտարարեք, չհայտարարեք, ձեր հարցը լուծված է, դուք հանգիստ սպասեք ձեր դատավճռին»։
Հովհաննիսյանն արձագանքեց՝ ընդգծելով, որ այսպիսի հարցեր չէին լինի, եթե ՔՊ ղեկավարի խոսքը ներկայացվեր ամբողջ ծավալով: «Նյութերով փաստվել է, որ յուրաքանչյուր այդպիսի արտահայտություն կատարելուց առաջ կամ հետո բանախոսի կողմից շեշտվել է մուրճի սիմվոլ լինելը՝ օրենքի դիկտատուրա հաստատելու տեսանկյունից: Բացի դրանից՝ նշվել է, որ այդ խոսքերը ֆիզիկական իմաստով չպետք է հասկանալ. այդ արտահայտությունները քաղաքական խոսք են»:
«Ասֆալտին պառկեցնելն իրական կյանքում տեղի է ունենում»,- նկատեց Վարդևանյանը:
Մանրամասները՝ տեսանյութում:
