18.12.2025 | 17:09
ՌԴ գործընկերներին խնդրել եմ շտապ զբաղվել ՀՀ տարածքում երկաթուղու որոշ հատվածների վերականգմամբ․ Փաշինյան
ԵՄ Խորհուրդը երկարացրել է Ռուսաստանի դեմ ոլորտային պատժամիջոցները
Քաղաքականություն
12.07.2021 | 15:11
Եվրամիությունը հերթական անգամ 6 ամսով երկարացրել է Ռուսաստանի դեմ տնտեսական պատժամիջոցները։ Այս մասին ասված է ԵՄ Խորհրդի՝ այսօր տարածած հայտարարության մեջ։
«ԵՄ Խորհուրդն այսօր որոշում է կայացրել ևս 6 ամսով՝ մինչև 2022 թվական հունվարի 31-ը երկարացնել ՌԴ տնտեսության կոնկրետ ոլորտների դեմ ուղղված պատժամիջոցները։ ԵՄ Խորհրդի այս որոշումն ընդունվել է հունիսի 24-25-ին կայացած ԵՄ գագաթնաժողովում Մինսկի համաձայնագրերի կատարման գնահատման հիման վրա»,- ասված է հայտարարությունում:
ԵՄ Խորհուրդը հիշեցրել է, որ այդ պատժամիջոցները «կիրառվել են 2014 թվականին՝ ի պատասխան Ուկրաինայի արևելքում իրավիճակն ապակայունացնող ՌԴ գործողությունների»:
Հիշեցնենք, որ 2014 թվականին ԵՄ-ն պատժամիջոցներ է կիրառել Ռուսաստանի Դաշնության դեմ՝ Ուկրաինայում տեղի ունեցած իրադարձությունների և Ղրիմի բռնակցման պատճառով: Պատժամիջոցներն այս ժամանակահատվածում մի քանի անգամ ընդլայնվել և երկարացվել են:
Տաթև Ֆռանգյան
