19.05.2026 | 20:21
«Գործակալնե՛ր, ՀՀ-ն գալու է ձեր հետևից»․ Փաշինյանը՝ Սամվել Կարապետյանի և ФСБ-ի կապի մասին
Թուրքիայի ռազմաօդային ուժերին պատկանող չորս F-16 կործանիչ կաջակցի Լեհաստանի օդային տարածքի պաշտպանությանը
Քաղաքականություն
08.07.2021 | 18:28
Թուրքական ռազմական ինքնաթիռները Լեհաստանի ռազմաօդային ուժերի հետ համագործակցելու նպատակով տեղակայվել են Լեհաստանի Մալբորք ավիաբազայում. հաղորդում է ermenihaber-ը:
Թուրքական F-16 կործանիչները 80 հոգանոց օժանդակ անձնակազմով օդ են բարձրանալու ՆԱՏՕ-ի օդային տարածքի մշտական պարեկության առաքելության շրջանակներում։
Մինչ թուրքական ռազմական ինքնաթիռները կհսկեն Լեհաստանի օդային տարածքը, ԱՄՆ-ի չորս F-15 կործանիչ պատրաստվում է աջակցել Իսլանդիայի օդային տարածքի պաշտպանությանը։
ՆԱՏՕ-ի խոսնակ Օանա Լունգեսկուն շնորհակալություն է հայտնել Միացյալ Նահանգներին և Թուրքիային ՆԱՏՕ-ի օդային պարեկային առաքելություններում ունեցած իրենց ներդրման համար։
ՆԱՏՕ-ին պատկանող ռազմական ինքնաթիռները 2020 թվականի ընթացքում Եվրոպայի տարբեր մասերում ավելի քան 400 անգամ օդ են բարձրացրել դաշնակից պետությունների տարածքներին մոտեցող «անհայտ» ինքնաթիռների մուտքը կանխելու նպատակով։ Այդ ինքնաթիռների մեծ մասը եղել է Ռուսաստանից։
