Քաղաքականություն
08.07.2021 | 15:30
ԱՄՆ ռազմածովային ուժերին պատկանող արագընթաց USNS Yuma դեսանտային նավը սկսել է շարժվել դեպի Սև ծով: Այս մասին հուլիսի 8-ին հայտնել է ԱՄՆ ռազմածովային ուժերի վեցերորդ նավատորմը:
«USNS Yuma դեսանտային նավը սկսել է հյուսիսային ուղղությամբ անցումը Սև ծով՝ մեր դաշնակիցների ու ՆԱՏՕ-ի շրջանակում գործընկերների հետ օպերացիա իրականացնելու համար»,- ասված է նավատորմի թվիթերյան միկրոբլոգում արված գրառման մեջ։
Այլ մանրամասներ չեն հաղորդվում: Նշենք, որ այս պահին Սև ծովում է նաև ամերիկյան USS Ross հրթիռային կործանիչը:
Հիշեցնենք՝ Սև ծովում այժմ ընթանում են Sea Breeze-2021 վարժանքները։ Հիմնական մասնակիցներն են Ուկրաինան, ԱՄՆ-ն, Կանադան, Մեծ Բրիտանիան, Նիդերլանդները, Ռումինիան, Բուլղարիան, Հունաստանը, Թուրքիան և Լատվիան:
Տաթև Ֆռանգյան
