Քաղաքականություն
07.07.2021 | 14:34
Սպանվել է Հայիթիի գործող նախագահ Ջովոնել Մոզեն։ Լուրը հաստատել են երկրի կառավարությունից, գրում է Insider-ը:
Աղբյուրի փոխանցմամբ՝ Մոզեն սպանվել է իր նստավայրում կեսգիշերն անց՝ տեղական ժամանակով 1-ի սահմաններում, մի խումբ հանցագործների կողմից։ Այս մասին հայտարարություն է տարածել Հայիթիի վարչապետ Կլոդ Ժոզեֆը:
Հայտարարության մեջ չի նշվում հարձակվողների անունները, սակայն ասվում է, որ նրանք իսպանախոս են եղել: Դրանում նաև տեղեկացվում է, որ հարձակման հետևանքով երկրի առաջին տիկինը հրազենային վիրավորում է ստացել:
Տաթև Ֆռանգյան
