27.11.2024 | 20:33
ՊՆ խոսնակը` Ջերմուկի դիրքերից ՀՀ ԶՈւ ստորաբաժանումների հեռանալու լուրերի մասին
ԱՄՆ-ը դադարեցրել է Բելառուսի հետ ավիահաղորդակցությունը․ արգելվել է ավիատոմսերի վաճառքը
Քաղաքականություն
07.07.2021 | 14:22
ԱՄՆ Տրանսպորտի նախարարությունը որոշում է կայացրել արգելել Բելառուս և հակառակ ուղղությամբ ավիատոմսերի վաճառքը, գրում է korrespondent-ը։
«Անհապաղ և մինչև նախարարության հաջորդ որոշումը արգելվում է վաճառել ավիատոմսեր, այդ թվում՝ տարբեր ավիաընկերությունների կողմից, ԱՄՆ-ի և Բելառուսի միջև իրականացվող օդային փոխադրումների համար»,- ասված է փաստաթղթում:
Միևնույն ժամանակ, հրամանագիրը նախատեսում է բացառություններ այն թռիչքների համար, որոնք իրականացվում են «Միացյալ Նահանգների ազգային շահերից ելնելով՝ ներառյալ մարդասիրական կամ ազգային անվտանգության նպատակներով»:
Այսպիսով, գերատեսչությունն ավարտել է Բելառուսի հետ օդային հաղորդակցության սահմանափակումները, որոնք սկսել էին իրականացվել մայիսի 23-ին Մինսկի կողմից Ryanair ավիաընկերության ուղևորատար ինքնաթիռի հարկադիր վայրէջքից հետո։
Հիշեցնենք, որ հունիսի 4-ին ԵՄ խորհուրդը հայտարարել էր բելառուսական ինքնաթիռների կողմից ԵՄ անդամ երկրների օդային տարածքի օգտագործման և եվրոպական օդանավակայաններ մուտք գործելու արգելքի մասին։ Ավելի ուշ ևս յոթ եվրոպական երկիր միացավ ԵՄ անդամ երկրների այս արգելքին։
Տաթև Ֆռանգյան
